शैलङ गाउँपालिकामा गठबन्धन र एमाले कार्यकर्ताबीच मतगणनास्थलमै झडप
दोलखा — दोलखाको शैलुङ गाउँपालिकामा गठबन्धन र एमालेका प्रतिनिधिबीच विवाद बढेपछि मतगणना रोकिएको छ ।
विवाद बढ्दै गएपछि गठबन्धनका कार्यकर्ता र एमालेका कार्यकर्ताबीच मतगणना स्थलमै झडप भएको हो ।
झडपमा परी एकजनाको टाउकोमा गम्भीर चोट लागेको छ । उनको बाघखोरस्थित अस्पतालमा उपचार भइरहेको प्रहरीले जनाएको छ ।गठबन्धनका कार्यकर्ताले धारिलो हतियार प्रहार गरेको एमालेले आरोप लगाएको छ ।
स्थिती नियन्त्रणमा लिन थप प्रहरी परिचालन गरिएको प्रहरी नायब उपरीक्षक गंगाप्रसाद पौडेलले बताए । मतपत्र भएका बाकसको सिल फुटेका लगायतका विषयमा प्रतिनिधिहरुबीच विवाद बढेपछि मतगणना स्थगित भएको छ ।
प्रकाशित : वैशाख ३१, २०७९ १५:२९प्रतिक्रिया