तनहुँमा कांग्रेस र माओवादी कार्यकर्ताबीच झडप, ९ जना घाइते
तनहुँ — जिल्लाको आँबुखैरेनी गाउँपालिका-१ स्थित मित्रता मावि मतदान केन्द्रमा नेपाली कांग्रेस र नेकपा (माओवादी केन्द्र)का कार्यकर्ताबीच झडप भएको छ । मतदान सकेर सिल गरिएको मतपेटिका मतगणनास्थलतर्फ लैजाने क्रममा शुक्रबार करिब ६:१५ बजे उनीहरूबीच झडप भएको हो ।
झडपकै क्रममा प्रहरीमाथि पनि ढुंगामुढा हुन थालेपछि मतपेटिका सुरक्षाका लागि प्रहरीले ५ राउन्ड हवाईफायर गर्नुपरेको इलाका प्रहरी कार्यालय आँबुखैरेनीले जनाएको छ । प्रहरीका अनुसार झडपमा ८ जना स्थानीय र १ जना म्यादी प्रहरी घाइते भएका छन् ।
प्रहरीले मतपेटिका सुरक्षित साथ मतगणनास्थलमा ल्याइसकेको छ ।
प्रकाशित : वैशाख ३०, २०७९ २२:१२प्रतिक्रिया