प्यूठानमा एमाले र गठबन्धनका कार्यकर्ताबीच झडप, ४ जना घाइते

वैशाख २८, २०७९शमशेरविक्रम जीसी

प्यूठान — सरुमारानी गाउँपालिकामा एमाले र गठबन्धनका कार्यकर्ताबीच झडप भएको छ । सरुमारानी गाउँपालिकाको हशंपुरमा एमाले र गठबन्धनका कार्यकर्ताबीच झडप हुँदा चार जना घाइते भएको जिल्ला प्रहरी कायालय प्यूठानका प्रमुख सत्यनारायण थापाले जानकार दिए ।

एमालेबाट गाउँपालिका अध्यक्षका उम्मेदवार झगबहादुर विश्वकर्माले आफू सवार गाडी जलाउने र आफूलाई मार्नेसम्मको प्रयास गठबन्धनबाट भएको भन्दै सामाजिक सञ्जालमार्फत आरोप लगाएका छन् । तर दुवै पक्षबाट घटनाका विषयमा कुनै आधिकारिक धारणा आएको छैन ।