बर्दियामा एमालेले टुंग्यायो उम्मेदवार

मधुवन नगरपालिकाको प्रमुखमा धर्म थापा र उपप्रमुखमा संगिता विक चयन भएका छन् भने बासगढी नगरपालिकाको प्रमुखमा खड्गबहादुर खड्का र उपप्रमुखमा ईन्द्रा थारुलाई उम्मेदवार बनाउने टुंगो लगाएको पार्टी अध्यक्ष लालबहादुर श्रेष्ठले बताए । उनका अनुसार ठाकुरबाबा नगरपालिकाको प्रमुखमा घननारायण श्रेष्ठ र उपप्रमुखमा बिना भट्टराईलाई उम्मेदवार बनाइएको छ ।

त्यस्तै एमालेले राजापुर नगरपालिकाको प्रमुखमा पहाडी थारु र उपप्रमुखमा सावित्री शर्मा उम्मेदवार चयन गरेको छ । बारबर्दिया नगरपालिका प्रमुखमा पार्टी सचिव पदम ढकाल र उपप्रमुखमा नारायणी थारुको नाम उम्मेदवारका लागि टुंग्याएको छ । बढैयाताल गाउँपालिका प्रमुखमा पार्टी अध्यक्ष लालबहादुर श्रेष्ठ र उपप्रमुखमा लक्ष्मी अधिकारीलाई चयन गरिएको छ ।

त्यस्तै गेरुवा गाउँपालिका प्रमुखमा भरत धामी र उपप्रमुखमा मन्जु शर्मालाई उम्मेदवार बनाउने टुंगो लगाएको अध्यक्ष श्रेष्ठले जनाए ।