पचास प्रतिशत पालिकामा तालमेलको सहमति भएको गठबन्धनको निष्कर्ष

काठमाडौँ — सत्ता गठबन्धनले करिब ५० प्रतिशत स्थानीय तहमा पाँच दलबीच चुनावी तालमेल गर्ने सहमति बनेको निष्कर्ष निकालेको छ । गठबन्धनको चुनाव तयारी, परिचालन तथा अनुगमन समितिले शनिबार साँझ प्रधानमन्त्रीको सरकारी निवास बालुवाटारमा बसेको गठबन्धनको बैठकमा प्रस्तुत गरेको तथ्यांकअनुसार अहिलेसम्म ७५३ स्थानीय तहमध्ये करिब ५० प्रतिशत स्थानीय तहमा दलहरूका स्थानीय नेता कार्यकर्ताबीच चुनावी तालमेल गर्ने सहमति बनेको छ ।

बाँकी स्थानीय तहमा चुनावी तालमेलका लागि छलफल चलिरहेको छ । नेकपा माओवादी केन्द्रका अध्यक्ष पुष्पकमल दाहालका स्वकीय सचिव रमेश मल्लले देशभरका ७५३ स्थानीय तहमध्ये आधाको हाराहारीमा चुनावी तालमेल गर्ने निर्णय भइसकेको निष्कर्षमा पुगेको जानकारी दिए ।

गठबन्धनले केन्द्रबाट महानगरपालिका र उपमहानगरपालिकाका प्रमुख र उपप्रमुखको सिट बाँडफाँट गरे पनि नगरपालिका र गाउँपालिकामा त्यसबारे टुंगो लाग्न सकेको छैन ।

प्रकाशित : वैशाख १०, २०७९ २१:०८

प्रतिक्रिया

पठाउनुहोस्