अनन्त यात्रा

सँगै पाइला चालूँ

अनन्त यात्रा गरुँ

तिमीलाई बुझ्न

आफैंलाई खोज्न

जानु छ कतै न कतै ।

डग्मगाएको विचार

लड्खडाएको खुट्टा

थर्थराएको हातलाई

समातेरै भएपनि

जानु छ कतै न कतै ।

तिमीले यत्ती त बुझ्नुपर्ने हो

सागै नहिँडेपछि

समातिएको मान्छे लतारिन्छ ।

लतारिँदा, पछारिँदा, थचारिँदा

लागेका हजारौं चोटहरू

नदेखेझैं गरी

लतारेरै भए पनि

तिमीलाई लानु छ कतै न कतै

दुखाइहरूबाट उठ  !

हामी जानु छ कतै न कतै ।