१३.१२°C काठमाडौं
काठमाडौंमा वायुको गुणस्तर: १५०

नेपालमा ३ प्रतिशत क्यान्सर हाडजोर्नी, नशा तथा मांसपेशीको

कान्तिपुर संवाददाता

काठमाडौँ — नेपालमा हुने सबैखाले क्यान्सरमध्ये झन्डै ३ प्रतिशत हाडजोर्नी, नशा तथा मांसपेशीको क्यान्सर (सार्कोमा) हुने गरेको देखिएको छ । यस्तो क्यान्सरलाई समयमै उपचार गरे हातखुट्टा काटिनुबाट जोगिनुको साथै बिरामीको ज्यानसमेत बचाउन सकिने विज्ञहरू बताउँछन् ।

नेपालमा ३ प्रतिशत क्यान्सर हाडजोर्नी, नशा तथा मांसपेशीको

विज्ञका अनुसार समयमै गरिएको उपयुक्त उपचारले भविष्यमा उनीहरू सामान्य व्यक्ति जस्तै जीवनयापन गर्न सक्छन् । मस्कुलोस्केलेटल अंकोलजी सोसाइटी अफ नेपालद्वारा आयोजित हाडजोर्नी, नशा तथा मांसपेशी क्यान्सर (सार्कोमा) रोग विशेषज्ञको राजधानीमा भएको दुईदिने सम्मेलनमा विज्ञहरूले उक्त कुरा बताएका हुन् ।

सम्मेलनमा भारतको टाटा मेमोरियल अस्पताल तथा नेपालका हाडजोर्नी र नशा तथा मांसपेशी क्यान्सर रोगको विभिन्न विधाका दुई सयभन्दा बढी विशेषज्ञ चिकित्सकको सहभागिता थियो । सम्मेलनमा विभिन्न अस्पतालका नशा तथा मांशपेशी रोग विशेषज्ञ, सार्कोमा शल्यचिकित्सक, अंकोलजिष्ट, प्थाथोलजिष्ट, तथा रेडियोलजिष्ट विशेषज्ञहरू सहभागी थिए ।

मस्कुलोस्केलेटल अंकोलजी सोसाइटी वीर अस्पताल, ट्रमा सेन्टरका डा. जनिथ लाल सिंहको अगुवाइमा हालै गठन भएको सार्कोमा विशेषज्ञहरूको संस्था हो ।

डा. सिंहले मुलुकमा समय सापेक्ष राष्ट्रिय नीति र जनशक्तिको अभावले सार्कोमा उपचारको पाटो उपेक्षित रहेको गुनासो गरे । क्यान्सर सम्बन्धी नेपाल आम नेपालीको पहुँचमा ल्याउन र यससँग सम्बन्धित आवश्यक पूर्वाधार र जनशक्ति विकासको लागि पहल गर्न सोसाइटीको गठन भएको बताइएको छ ।

प्रकाशित : कार्तिक २७, २०७९ १७:५८
प्रतिक्रिया
पठाउनुहोस्
जनताको राय

एक वर्षमै कांग्रेससँगको गठबन्धन भत्कियो, नयाँ गठबन्धन कति दिगो रहला ?