२३.१२°C काठमाडौं
काठमाडौंमा वायुको गुणस्तर: १६५

नेपाली कम्पनीका दुई औषधि गुणस्तरहीन, बजारबाट फिर्ता गर्न विभागको निर्देशन

कान्तिपुर संवाददाता

काठमाडौँ — औषधि व्यवस्था विभागले नेपाली कम्पनीले उत्पादन गरेका छुट्टाछुट्टै दुईवटा भिटामिनका औषधिको निश्चित ब्याचलाई बजारबाट फिर्ता गर्न आदेश दिएको छ । रुपन्देहीस्थित बायोगेन रिमेडिज प्रालिले उत्पादन गरेको ‘बायोकल–डि’ को ब्याच नं ‘बिडि२१०४’ र काठमाडौंस्थित लोमस फर्मास्युटिकल्स प्रालिले उत्पादन गरेको ‘अस्भिट’ ब्याच नं ‘एएस२१२१’ ट्याबलेटको गुणस्तर परिक्षा सन्तोषजनक नभएको बताउँदै विभागले बजारबाट फिर्ता गर्न भनेको हो ।

नेपाली कम्पनीका दुई औषधि गुणस्तरहीन, बजारबाट फिर्ता गर्न विभागको निर्देशन

विभागले सो ब्याचको औषधिको बिक्री वितरणमा समेत रोक लगाएको छ ।

आइतबार सूचना जारी गर्दै बजार अनुगमनको क्रममा ती औषधिको नमुना परीक्षण गर्दा न्यून गुणस्तर भएको जनाएको हो । यी औषधिहरु कोभिडको समयमा व्यापक प्रयोग भएका थिए ।

विभागले यी औषधिको सिफारिस, बिक्री वितरण तथा प्रयोगसमेत नगर्न/नगराउन अनुरोध गरेको छ ।

प्रकाशित : कार्तिक २७, २०७९ १०:३७
प्रतिक्रिया
पठाउनुहोस्
जनताको राय

केन्द्रमा सत्ता गठबन्धन फेरबदल हुँदा प्रदेश सरकारमा समेत त्यसको असर पर्नुको सन्देश के हो ?