राष्ट्रिय जनस्वास्थ्य प्रयोगशालामा आइतबारबाट ६ दिन डेंगी परीक्षण नहुने- स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement

राष्ट्रिय जनस्वास्थ्य प्रयोगशालामा आइतबारबाट ६ दिन डेंगी परीक्षण नहुने

कान्तिपुर संवाददाता

काठमाडौँ — डेंगीको बिरामी बढिरहेका बेला राष्ट्रिय जनस्वास्थ्य प्रयोगशालाले आइतबारबाट असोज २१ गते शुक्रबारसम्म परीक्षण बन्द गर्ने निर्णय गरेको छ । तर, कोभिड–१९ को परीक्षण भने दसै बिदाको दिन गरिने भएको छ । 

जनस्वास्थ्य प्रयोगशालाका सूचना अधिकारी लोकबन्दु चौधरीले इमरजेन्सी टेष्ट नभएकाले बन्द गरेको बताए । ‘डेंगीको क्लिनिकलगायत अस्पताल पनि टेष्ट हुन्छ,’ उनले भने । प्रयोगशालामा एक पटक परीक्षण गर्न ८ सय रुपैयाँ शुल्क लाग्छ भने क्लिनिकमा एक हजार ५ सयदेखि २ हजार रुपैयाँसम्म लिने गरेको छ ।

प्रयोगशालाका कर्मचारीहरुले डेंगी प्रकोप बढिरहेका परीक्षण जारी राख्नुपर्ने बताएका छन् । उनीहरुका अनुसार डेंगी परीक्षण गर्न एक जना कर्मचारी खटाए पुग्छ । ‘डिउटी मिलाएर राख्न सकिन्थ्यो,’ उनले भने, ‘तर, बेवास्ता गरियो ।’

डेंगीका बिरामी २८ हजार नाघिसकेका छन् भने मृत्यु संख्या ३८ पुगिसकेको छ । सबभन्दा बढी काठमाडौंमा झन्डै १० हजार पुगिसकेको छ ।

सहिद शुक्रराज ट्रपिकल तथा सरुवा रोग अस्पतालमा ११ जना आईसीयु, ३८ जना भर्ना र इमरजेन्सीमा ५० जना उपचारर्थ छन् । दैनिक ओपीडीमा डेढ सय जना बिरामी उपचारका लागि आउने गरेका छन् ।

शुक्रराजका सूचना अधिकारी नवराज गौतमका अनुसार डेंगीका कारण बिहीबार एक जनाको मृत्यु भयो । ‘यो लामखुट्टे घरभित्र र झाडीमा बस्ने प्रकृतिको छ,’ उनले भने, ‘निर्मूल पार्ने उपाय सबभन्दा राम्रो सरसफाई हो ।’

प्रकाशित : आश्विन १४, २०७९ १६:२६
प्रतिक्रिया
पठाउनुहोस्

दुर्घटना न्यूनीकरण गर्न वाग्मती प्रदेशभर ‘टाइम कार्ड’

सुवास विडारी

मकवानपुर — वाग्मती प्रदेशभर सवारी दुर्घटना न्यूनीकरण गर्न ‘टाइम कार्ड’ लागू गरिएको छ । वाग्मती प्रदेश प्रहरी कार्यालय हेटौंडा-११, थानाभर्‍याङको विशेष सक्रियतामा बीपी राजमार्ग सिन्धुली, मुग्लिन-नारायणगढ खण्ड चितवन, भीमफेदी–कुलेखानी–फाखेल मकवानपुर, अरनिको राजमार्ग काभ्रे र पृथ्वी राजमार्ग धादिङमा टाइमकार्ड लागू गरिएको हो ।

चाडपर्व लागेसँगै सडकमा सवारी साधनको अत्यधिक चाप बढ्ने, तीव्र गतिमा सवारी साधन चलाउने तथा सवारी नियमको उल्लंघनसमेत बढ्ने भएका कारण सवारी दुर्घटना न्यूनीकरण गर्न टाइम कार्ड लागू गरिएको प्रहरी वरिष्ठ उपरीक्षक दीपक रेग्मीले जानकारी दिए ।

सिन्धुली जिल्ला हुँदै जाने बीपी राजमार्गस्थित भिमानदेखि नेपालथोक दुम्जासम्ममा पहिलेदेखि नै टायम कार्ड लागू गरिएको थियो । जिल्ला सुरक्षा समितिको निर्णयअनुसार अन्य जिल्लामा पनि टाइम कार्ड लागू गरिने उनले जानकारी दिए ।

प्रकाशित : आश्विन १४, २०७९ १६:१२
पूरा पढ्नुहोस्
प्रतिक्रिया
पठाउनुहोस्
×