काठमाडौँ — पछिल्लो २४ घण्टामा थप ६३४ जनामा कोरोना भाइरस संक्रमण पुष्टि भएको छ । २ हजार ७५७ पीसीआर परीक्षणमा ३४३ र २ हजार १९२ एन्टिजेन परीक्षणमा २९१ संक्रमित फेला परेको स्वास्थ्य तथा जनसंख्या मन्त्रालयले मंगलबार जानकारी दिएको छ । २४ घण्टामा कुल ४ हजार ९४९ नमुना परीक्षण गरिएको थियो ।
मंगलबारसम्म नेपालमा सक्रिय संक्रमितको संख्या ४ हजार २२१ पुगेको छ ।
२४ घण्टामा मृत्यु हुनेको संख्या १ जना र निको हुने ४१७ रहेका छन् भने सो अवधिमा १६ हजार ६५३ जनाले कोरोनाविरुद्धको खोप लगाएका छन् ।