२६३ कोरोना संक्रमित थपिए, २ जनाको मृत्यु- स्वास्थ्य - कान्तिपुर समाचार

२६३ कोरोना संक्रमित थपिए, २ जनाको मृत्यु

कान्तिपुर संवाददाता

काठमाडौँ — नेपालमा थप २६३ कोरोना संक्रमित थपिएका छन् । स्वास्थ्य तथा जनसंख्या मन्त्रालयले शनिबार जारी गरेको तथ्यांकअनुसार ३ हजार १६५ नमुना परीक्षणमा २६३ जनामा संक्रमण पुष्टि भएको हो । 

१ हजार ३९९ पीसीआर परीक्षणमा १६२ र १ हजार ७६६ एन्टिजेन परीक्षणमा १०१ जनामा संक्रमण पुष्टि भएको मन्त्रालयको तथ्यांकमा उल्लेख छ । २४ घण्टामा ५०१ जना निको र २ जनाको मृत्यु भएको छ । शनिबारसम्म सक्रिय संक्रमितको संख्या ५ हजार ४३४ पुगेको छ ।

२४ घण्टामा १ लाख २७ हजार ३२१ जनाले खोप लगाएका छन् ।


प्रकाशित : श्रावण २८, २०७९ १६:०७
प्रतिक्रिया
पठाउनुहोस्

प्रहरीको गाडी दुर्घटना : एक जवानको मृत्यु

हरि गौतम

रुकुम पूर्व — जिल्ला प्रहरी कार्यालयको भ्यान दुर्घटना हुँदा एक प्रहरी जवानको मृत्यु भएको छ । जिल्लाको पुथाउत्तरगंगा गाउँपालिका–११, तल्लो सेरा नजिकै लु १ झ ६६० नम्बरको भ्यान शनिबार बिहान ११ बजे दुर्घटना भएको थियो । 


दुर्घटनामा परी जिल्ला प्रहरी कार्यालयमा कार्यरत रोल्पा घर भएका प्रहरी जवान लक्ष्मण पुनको मृत्यु भएको हो । दुर्घटनामा परी जिल्ला प्रहरी प्रमुख प्रहरी नायव उपरीक्षक प्रकाश डाँगी र सशस्त्र प्रहरी नायव उपरीक्षक रुकुम पूर्व गणका प्रमुख रविन्द्र श्रेष्ठ घाइते भएका छन् ।

दुर्घटनामा परी प्रहरी हवल्दार भ्यान चालक कुमारसिंह डाँगी, प्रहरी जवान सन्तोष बुढा मगर र इन्द्र घर्ती घाइते भएका छन् । घाइतेमध्ये डीएसपी श्रेष्ठ, हवल्दार डाँगी र प्रहरी जवान बुढालाई नेपाली सेनाको हेलिकप्टर मार्फत् कोहलपुरस्थित शिक्षण अस्पताल पुर्‍याइएको छ ।

जनपद प्रहरीका डीएसपी प्रकाश डाँगी र प्रहरी जवान घर्तीलाई अस्पता लैजाने गरी व्यवस्था मिलाइएको प्रमुख जिल्ला अधिकारी तुलाराज सुनुवारले जानकारी दिए । अनुगमन तथा नियमित कामको शिलशिलामा बिहान जिल्ला सदरमुकाम रुकुमकोटबाट प्रमुख जिल्ला अधिकारी सहितको टोली तकसेरातर्फ गएको थियो । गन्तव्यमा पुग्न केही मिनेटको दूरीमा उक्त दुर्घटना भएको हो । दुर्घटनापछि उक्त भ्यान सडकभन्दा झण्डै सय मिटर तल पुगेको बताइएको छ ।

रुकुम पूर्वमा प्रहरीको गाडी दुर्घटना : २ डीएसपीसहित ६ जना घाइते

प्रकाशित : श्रावण २८, २०७९ १५:३४
पूरा पढ्नुहोस्
प्रतिक्रिया
पठाउनुहोस्
x
×