थप ६८० संक्रमित, १ हजार ८३५ डिस्चार्ज- स्वास्थ्य - कान्तिपुर समाचार
कान्तिपुर वेबसाईट
AdvertisementAdvertisement
कोरोना भाइरस

थप ६८० संक्रमित, १ हजार ८३५ डिस्चार्ज

कान्तिपुर संवाददाता

काठमाडौँ — पछिल्लो २४ घण्टामा नेपालमा ६८० जनामा कोरोना संक्रमण पुष्टि भएको छ । मंगलबार स्वास्थ्य तथा जनसंख्या मन्त्रालयले पीसीआर र एन्टीजेन विधिबाट ७ हजार ९५ जनामा गरिएको परीक्षणमा ६८० जनामा संक्रमण देखिएको जनाएको हो ।

पीसीआर विधिबाट ४ हजार २५६ जनामा परीक्षण गर्दा ४९८ जना र एन्टिजेन विधिबाट २ हजार ८३९ जनामा परीक्षण गर्दा १८२ जनामा संक्रमण पुष्टि भएको मन्त्रालयले जनाएको छ ।

त्यस्तै २४ घण्टायता निको हुनेको संख्या १ हजार ८३५ पुगेको छ । सोही अवधिमा २ जनाको मृत्यु भएको स्वास्थ्य मन्त्रालयद्वारा जारी तथ्यांकमा उल्लेख छ । मंगलबारसम्म संक्रिय संक्रमितको संख्या १९ हजार ४०० रहेको छ । २४ घण्टामा ४३ हजार ८८१ जनाले खोप लगाएका छन् ।


प्रकाशित : फाल्गुन ३, २०७८ १६:५२
प्रतिक्रिया
पठाउनुहोस्

हेलिकोप्टरबाट सुत्केरीको उद्धार

कान्तिपुर संवाददाता

नुवाकोट — गाउँको स्वास्थ्य संस्थामा सुत्केरी हुन नसकेपछि दुप्चेश्वरकी एक महिलालाई हेलिकोप्टरमार्फत उद्धार गरिएको छ । 

दुप्चेश्वर गाउँपालिका ३ की रिता तामाङलाई हेलिकोप्टरबाट मंगलबार उपचारका लागि काठमाडौं पठाइएको वडाध्यक्ष ध्रुवकर केसीले बताए । उनी सात महिनाकी गर्भवती थिइन् ।

गाउँमा उपचार गर्दा ज्यान जान सक्ने देखिएकोले हेलिकोप्टरबाट उपचारका लागि राजधानी पठाउनु परेको रावतबेंसी स्वास्थ्य चौकी ईन्चार्ज मछिन्द्र केसीले बताए ।

प्रकाशित : फाल्गुन ३, २०७८ १६:४९
पूरा पढ्नुहोस्
प्रतिक्रिया
पठाउनुहोस्
×