कान्तिपुर वेबसाईट
AdvertisementAdvertisement
२८.१२°C काठमाडौं
काठमाडौंमा वायुको गुणस्तर: २०३

सात प्रदेशमा एमालेलाई समानुपातिकमा ७० सिट, कांग्रेसलाई ६३

काठमाडौँ — निर्वाचन आयोगका अनुसार नेकपा एमालेले सातवटै प्रदेशसभामा समानुपातिकतर्फ ७० स्थान प्राप्त गर्ने छ । मधेस प्रदेशबाहेक सबै प्रदेशसभा एमाले समानुपातिक मतमा पहिलो बनेको छ । सातै प्रदेशमा २ सय २० जना प्रदेशसभाका सांसद समानुपातिक निर्वाचनबाट छानिन्छन् ।

सात प्रदेशमा एमालेलाई समानुपातिकमा ७० सिट, कांग्रेसलाई ६३

एमालेले प्रदेश १ मा १५ सिट, मधेस प्रदेशमा ८, वाग्मती १४. गण्डकीमा १०, लुम्बिनीमा ११, कर्णालीमा प्रदेश ५, सुदूरपश्चिममा ७ स्थानमा समानुपातिकबाट सुनिश्चित गरेको छ ।

त्यसैगरी नेपाली कांग्रेसले ६३ प्राप्त गर्ने छ । कांग्रेसले मधेस प्रदेशमा समानुपातिकतर्फ सबैभन्दा बढी मत प्राप्त गरेको छ । सो दलले प्रदेश १ मा १२, मधेसमा ९, वाग्मतीमा १२, गण्डकीमा ९, लुम्बिनीमा १०, कर्णालीमा ५ र सुदूरपश्चिम प्रदेशमा ६ जना रहेका छन् ।

माओवादीले २९ स्थानमा प्राप्त गर्दै तेस्रो स्थानमा रहेको छ । सो दलले प्रदेश १, मधेस प्रदेश, लुम्बिनी प्रदेश, कर्णाली प्रदेशमा ४/४ जना समानुपातिक संसद् प्राप्त गर्ने छ । त्यसैगरी वाग्मती प्रदेशमा ७, गण्डकी र लुम्बिनीमा ३/३ जना सांसद प्राप्त गर्ने छ ।

नेकपा एकीकृत समाजवादीले गण्डकी प्रदेशमा कुनै स्थानमा गर्ने छैन । सो दलको समानुपातिकतर्फ प्रदेश १, लुम्बिनी, कर्णाली र सुदूरपश्चिममा १-१ जना समानुपातितर्फ प्रतिनिधित्व गर्नेछन् ।

त्यसैगरी मधेस प्रदेशमा ३ र वाग्मती प्रदेशमा २ समानुपातिक सिट प्राप्त गर्ने छ । जनता समाजवादी पार्टीले प्रदेश १ र लुम्बिनी मा एक-एक जना र मधेस प्रदेशमा ७ स्थानमा प्राप्त गर्नेछन् ।

त्यसैगरी हाम्रो नेपाली पार्टीले वाग्मती प्रदेशमा १ स्थानमा प्राप्त गर्ने छ भने नेपाल मजदुर किसान पार्टीले २ प्राप्त गरेको छ ।

नागरिक उन्मुक्ति पार्टीले मधेस प्रदेशमा १, लुम्बिनीमा २ र सुदूरपश्चिममा ३ समानुपातिक सांसद प्राप्त गर्ने छ ।

राजमोको लुम्बिनी प्रदेशमा एक स्थान प्राप्त गर्ने छ भने लोसपाले मधेस प्रदेशमा २ र लुम्बिनी प्रदेशमा १ स्थान प्राप्त गर्ने छ । सीके राउत नेतृत्वको मधेस प्रदेशमा ७ र लुम्बिनीमा २ स्थानमा प्राप्त गर्नेछ । नेपाली संघीय समाजवादीले मधेस प्रदेशमा १ समानुपातिक सिट पाउने छ ।

प्रकाशित : मंसिर २०, २०७९ २०:५८
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?