सुदूरपश्चिमको २१ समानुपातिकमा १८ महिला चुनिने

काठमाडौँ — सुदूरपश्चिम प्रदेशमा समानुपातिकतर्फको २१ स्थानमा कम्तीमा १८ जना महिला प्रतिनिधित्व हुने भएको छ । प्रदेशसभामा कुनै पनि दलबाट प्रत्यक्षतर्फ महिला निर्वाचित भएको कारण एक तिहाई महिला प्रतिनिधित्व गराउनु पर्ने संवैधानिक व्यवस्थाअनुसार १८ जना महिला निर्वाचित गराउनु पर्ने भएको हो ।

जसअनुसार एमालेले प्राप्त गरेको ७ समानुपातिक सिटमा ४ महिला निर्वााचित गर्नुपर्ने छ । ५३ सदस्यीय सुदूरपश्चिम प्रदेशसभामा प्रत्यक्षबाट एमालेका ३ जना निर्वााचित भएका छन् ।

त्यसैगरी नेपाली कांग्रेसले प्राप्त गरेको ७ स्थानमा सबै महिला प्रतिनिधित्व गराउनु पर्नेछ । कांग्रेसको प्रत्यक्षतर्फ १२ जना सांसद निर्वाचित रहेका छन् ।

प्रत्यक्षतर्फ ८ स्थानमा जित हासिल गरेको नेकपा माओवादी केन्द्रले समानुपातिकमा प्राप्त गरेको ४ समानुपातिक स्थानमा ३ जना महिला पठाउनुपर्ने छ । त्यसैगरी प्रत्यक्षमा ५ स्थानमा जितेको नागरिक उन्मुक्ति पार्टीले समानुपातिकतर्फ प्राप्त गरेको २ स्थानमा महिला पठाउनु पर्छ ।

राप्रपाले समानुपातिक प्राप्त गरेको स्थानमा महिला पठाउनुपर्ने छ । त्यसैगरी नेकपा एकीकृत समाजवादीले प्राप्त गर्ने १ स्थानमा महिला पठाउनु पर्छ । प्रत्यक्षतर्फ ३ स्थानमा जितेको सो दलले २ महिला पठाउनु पर्ने छ ।