प्रदेश १ मा एमाले पहिलो, बहुमतका लागि ७ सिट अपुग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — प्रदेश १ मा ४० स्थान प्राप्त गर्दै नेकपा एमाले पहिलो दल बनेको छ । प्रत्यक्षतर्फ २५ स्थानमा जितेको एमालेले समानुपातिकमा १५ सिट प्राप्त गरेको छ ।
![](https://assets-cdn.ekantipur.com/uploads/source/ads/900x100-1172024092759.gif)
![प्रदेश १ मा एमाले पहिलो, बहुमतका लागि ७ सिट अपुग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/congress-uml-mao-27112022040306-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
९३ सदस्यीय प्रदेशसभामा सरकार बनाउन ४७ सांसद आवश्यक हुन्छ । राप्रपाले सरकार गठनका लागि एमालेसँग गठबन्धन गरे पनि बहुमतका लागि १ स्थान कम हुनेछ । एमाले र राप्रपाबीच चुनावी तालमेल भएको थियो । प्रत्यक्षमा २ सिट जितेको राप्रपाले समानुपातिकमा ४ स्थान हात पारेको छ ।
दोस्रोमा रहेको नेपाली कांग्रेसले प्रत्यक्षमा १७ र समानुपातिकमा १२ सिट हात पारेको छ । कांग्रेसको कुल सिट संख्या २९ भएको छ । त्यसैगरी तेस्रो स्थानमा नेकपा माओवादी केन्द्र रहेको छ । प्रत्यक्षमा ९ र समानुपातिकमा ४ स्थान प्राप्त गरेको छ । यो सहित माओवादीको १३ स्थान भएको छ ।
त्यसैगरी नेकपा एकीकृत समाजवादीको प्रदेशसभामा ४ जना सांसद रहने भएको छ । सो दलले प्रत्यक्षतर्फ ३ र समानुपातिकतर्फ १ स्थान प्राप्त गरेको छ ।
त्यसैगरी जसपाले समानुपातिकतर्फ १ स्थान प्राप्त गरेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)