बाजुरा- २ मा कांग्रेसका शाही विजयी

धनगढी — बाजुरा प्रदेश निर्वाचन क्षेत्र नं २ मा नेपाली कांग्रेसका उम्मेदवार पदमबहादुर शाही विजयी भएका छन् । शाही निकटतम प्रतिस्पर्धी एमालेका उम्मेदवार लालबहादुर थापालाई २ हजार ५९८ मतले पछि पार्दै विजयी भएका हुन् ।

शाहीले २० हजार ११९ मत पाएका छन् भने थापाले १७ हजार ५२१ मत पाएका छन् ।

एमाले उम्मेदवार थापा निवर्तमान प्रतिनिधिसभा सदस्य समेत हुन् । थापालाई एमालेका तर्फबाट सुदूरपश्चिमको मुख्यमन्त्री पदको पहिलो दावेदारका रुपमा पनि हेरिएको थियो । यस चुनावमा विजयी भएका कांग्रेस उम्मेदवार शाही ०७४ को निर्वाचनमा सोही क्षेत्रबाट पराजित भएका थिए ।

बाजुरामा मंसिर ४ गते निर्वाचनको क्रममा झडप भएपछि मतदान नै रोकिएको थियो ।