बाजुरामा अझै सुल्झिएन मतगणना विवाद
धनगढी — बिहीबार साँझदेखि सुरु भएको बाजुराको मतगणनाको क्रममा हालसम्म दुुई ठाउँका मतपेटिकामा मुचुल्काभन्दा बढी मत देखिएपछि उत्पन्न विवाद अझै सुल्झिएको छैन ।
प्रतिनिधिसभातर्फको गणनाका क्रममा हिमाली गाउँपालिका ६ धिम मतदान केन्द्रमा मुचुल्काभन्दा ४० मत बढी पाइएको थियो । त्यसलगत्तै प्रदेशसभा (२) तर्फ बुढीगंगा नगरपालिका ३ मा पनि मुुचुल्काभन्दा ९८ मत बढी भेटिएपछि विवाद उठेको छ ।
कांग्रेसको बाहुुल्य रहेको भनिने हिमाली ६ मा कुल मतदाता संख्या एक हजार ७२७ रहेको छ । त्यसमध्ये एक हजार ४५० मत खसेको मुुचुल्का छ । तर गणनाका क्रममा भने ४० मत बढी भेटिएपछि विवाद भएको हो ।
यस्तै, एमाले बाहुुल्य रहेको भनिने बुढीगंगा ३ मा कुल एक हजार ३३६ मतदाता रहेकोमा एक हजार ९० मत खसेको मुुचुल्का छ । पेटिकामा रहेका मत गणना गर्दा एक हजार १८८ मत भेटिएका हुन् । यद्यपि, विवाद समाधान गरेर गणना पुन: सुरु गर्ने प्रयास भइरहेको जिल्ला निर्वाचन कार्यालयका प्रमुख नवराज अवस्थीले बताए ।
प्रकाशित : मंसिर १६, २०७९ १४:२५
