सुनसरी- ३ (१) मा एमालेका कार्की विजयी
इटहरी — सुनसरी क्षेत्र नं ३ अन्तर्गतको प्रदेशसभा (१) मा नेकपा एमालेका रोहित कार्की विजयी भएका छन् । उनले निकटतम प्रतिद्धन्द्धी सत्तारुढ गठबन्धनका उम्मेदवार नेकपा माओवादीकी सरस्वती पोखरेललाई पराजित गर्दै विजयी भएका हुन् ।
कार्कीले १८ हजार ६ सय ४१ मत प्राप्त गरेका छन् भने पोखरेलले ९ हजार ४ सय ९८ मत प्राप्त गरेकी थिइन् ।
कार्कीले प्रदेश १ की सभामुख समेत रहेकी पोखरेललाई फराकिलो मत अन्तरले पराजित गर्दै विजयी भएका हुन् । कार्की नेकपा एमाले प्रदेश कमिटी सदस्य हुन् ।
सुनसरी निर्वाचन क्षेत्र नं ३ को प्रदेश (१) मा १ लाख २५ हजार ४ सय ३२ मतदाता मध्ये ४३ हजार ३ सय १९ मत खसेको थियो । सुनसरीमा कुल ५ लाख ४४ हजार ९ सय ४१ मतदाता रहेका छन् ।
