धाँधली भएको आरोपमा सञ्चारमन्त्री कार्कीको क्षेत्रमा मतगणना स्थगित
(इटहरी) — सुनसरी निर्वाचन क्षेत्र नम्बर ४ मा सञ्चारमन्त्री ज्ञानेन्द्रबहादुर कार्कीका प्रतिनिधिले मत गणना स्थगित गराएका छन् ।
शुक्रबार राति निर्वाचन कार्यालयले एमालेको पक्षमा ६ सय ६ मत इन्ट्री गरिदिएको दाबी गर्दै कांग्रेसका प्रतिनिधिले मत गणना रोकेका हुन् ।
उनीहरुले शनिबार दिउँसो २ बजेदेखि मत गणना रोक्दै निर्वाचन अधिकृतको कार्यालयमा उजुरी दिएका छन् ।
मतगणनाको विषयमा अहिले सर्वदलीय बैठक बसिरहेको छ ।
यो क्षेत्रमा मन्त्री कार्की र एमालेका नेता जगदिश कुसियैतबीच कडा प्रतिस्पर्धा चलिरहेको छ । 0
प्रतिनिधिसभातर्फ दिउँसो २ बजेको नतिजा अनुसार कार्कीले २१ हजार ४ सय ४५ मत प्राप्त गर्दा कुसियैतले २१ हजार ४ सय ३३ मत प्राप्त गरेका छन् । कार्की १२ मतले अगाडि रहेका छन् । सुनसरी ४ मा ३२ वटा वडामध्ये २२ वटा वडाको मतगणना भइसकेको छ ।
