माेरङ-३ मा कांग्रेसका शर्मा विजयी
माेरङ — माेरङ निर्वाचन क्षेत्र नम्बर ३ मा सत्ता गठबन्धन दलका साझा उम्मेदवार कांग्रेसका सुनिलकुमार शर्मा प्रतिनिधिसभा सदस्यमा विजयी भएका छन् । उनले २२ हजार ७३६ मतान्तरले एमालेका स्थायी कमिटी सदस्य, निवर्तमान सांसद तथा पूर्वमन्त्री भानुभक्त ढकाललाई पछि पार्दै विजयी भएका हुन् ।
शर्माले ४८ हजार ६३१ मत ल्याएर विजयी भएका छन् । उनका निकटतम प्रतिद्वन्द्वी ढकालले २५ हजार ८९५ मत प्राप्त गरेका छन् ।
अघिल्लाे प्रतिनिधिसभा सदस्य निर्वाचनमा ढकालसँग १ हजार ९०७ मत अन्तरले पराजित भएका ढकालले यसपटक करिब दाेब्बर मतान्तरले पराजित गर्दै बदला लिएका छन् ।
शर्मा विराटनगरस्थित नाेबेल र काठमाडाैं मेडिकल शिक्षण अस्पतालका सञ्चालक हुन् ।
प्रकाशित : मंसिर १०, २०७९ ०९:१६प्रतिक्रिया