कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १९६

हुम्ला प्रदेशसभा ‘२’ मा कर्णालीका मुख्यमन्त्री शाही पुन:  विजयी

माओवादीबाट एमाले प्रवेश गरी उम्मेदवार बनेका छक्कबहादुर लामा पराजित
जनकबहादुर शाही

हुम्ला — हुम्ला प्रदेशसभा (२)मा सत्ता गठबन्धनका उम्मेदवार नेपाली कांग्रेसका जीवनबहादुर शाही विजयी भएका छन्  । कर्णाली प्रदेशका मुख्यमन्त्रीसमेत रहेका शाही ७ हजार ५६ मत ल्याएर विजयी भएका हुन् भने उनका निकटतम् प्रतिस्पर्धी उम्मेदवार छक्कबहादुर लामाले २ हजार ९ सय ७८ मत प्राप्त गरेका छन् ।

हुम्ला प्रदेशसभा ‘२’ मा कर्णालीका मुख्यमन्त्री शाही पुन:  विजयी

हुम्ला प्रदेशसभा ‘२’ बाट वाम–लोकतान्त्रिक गठबन्धनका उम्मेदवार नेपाली कांग्रेसका जीवनबहादुर शाहीले नेकपा एमालेका उम्मेदवार छक्कबहादुर लामालाई ४ हजार ७८ मत अन्तरले पराजित गरेका हुन् ।

कांग्रेसका शाहीले ७ हजार ५६ मत प्राप्त गर्दा एमालेका लामाले २ हजार ९ सय ७८ मत प्राप्त गरेको मुख्य निर्वाचन अधिकृतको कार्यालय हुम्लाले जनाएको छ । यस्तै राष्ट्रिय प्रजातन्त्र पार्टी (राप्रपा) का नैनसिंह रावतले ९७ मत प्राप्त गरे भने जनता समाजवादी जसपाका बलिराज शाहीले ४० र राप्रपा नेपालका उम्मेदवार सुमन रावतले १५ मत प्राप्त गरे ।

यस्तै १ सय १९ मत बदर भएको छ । यसअघि प्रदेश ‘१’ को अन्तिम मत परिणाम सार्वजनिक भइसकेको छ । २०७४ प्रदेशसभा सदस्य बनेका शाही पुन: प्रदेश (२)मा प्रदेशसभा सदस्यमा विजयी भएका हुन् ।

प्रकाशित : मंसिर १०, २०७९ ०७:३७
प्रतिक्रिया
पठाउनुहोस्
जनताको राय

चालु वर्षको ९ महिनामा वार्षिक लक्ष्यको ३२.२४ प्रतिशत मात्र विकास खर्च हुनुको अर्थ के हो ?