सर्लाही–२ को प्रदेश (१) मा कांग्रेसका राय विजयी- प्रतिनिधि / प्रदेशसभा निर्वाचन २०७९ - कान्तिपुर समाचार

सर्लाही–२ को प्रदेश (१) मा कांग्रेसका राय विजयी

कान्तिपुर संवाददाता

काठमाडौँ — सर्लाहीको क्षेत्र नं २ प्रदेशसभा (१) मा नेपाली कांग्रेसका जंगीलाल राय प्रदेशसभा सदस्यमा विजयी भएका छन् । उनले नेकपा (माओवादी केन्द्र) का उम्मेदवार सुनिल साहलाई पराजित गरेका हुन् ।

मुख्य निर्वाचन अधिकृतको कार्यालयका अनुसार रायले आठ हजार दुई सय ९० मत प्राप्त गरे । उनका निकटतम प्रतिद्वन्द्वी माओवादी केन्द्रका साहले सात हजार दुई सय १४ मत पाए । रायले एक हजार ७६ मतान्तरले साहलाई पराजित गरेका हुन् ।

यस्तै, जनमत पार्टीका उम्मेदवार भरत चौधरीले छ हजार छ सय ४३ मत ल्याए । निर्वाचन क्षेत्र नं २ को प्रदेशसभा (२) तथा क्षेत्र नं २ र ३ को प्रतिनिधिसभा सदस्यतर्फको मतपरिणाम सार्वजनिक हुन बाँकी छ ।

प्रकाशित : मंसिर ९, २०७९ ०१:५५
प्रतिक्रिया
पठाउनुहोस्

कञ्चनपुर-१ मा एमालेका तारा लामा तामाङ विजयी

कान्तिपुर संवाददाता

कञ्चनपुर — प्रतिनिधिसभा निर्वाचन २०७९ अन्तर्गत कञ्चनपुर क्षेत्र नं १ मा नेकपा (एमाले)का उम्मेदवार तारा लामा तामाङ निर्वाचित भएका छन् ।

निकटतम प्रतिद्वन्द्वी नेकपा (माओवादी केन्द्र)की उम्मेदवार बीना मगरलाई ५ हजार ५४६ मतान्तरले पराजित गर्दै लामा विजयी बनेका हुन् । उनले २४ हजार ८९२ मत ल्याए । मगरले १९ हजार ३४६ मत ल्याएकी छन् ।


प्रकाशित : मंसिर ९, २०७९ ००:४६
पूरा पढ्नुहोस्
प्रतिक्रिया
पठाउनुहोस्
×