बर्दियामा सञ्जय गौतमको लगातार तेस्रो जित- प्रतिनिधि / प्रदेशसभा निर्वाचन २०७९ - कान्तिपुर समाचार

बर्दियामा सञ्जय गौतमको लगातार तेस्रो जित

कमल पन्थी

बर्दिया — बर्दिया निर्वाचन क्षेत्र नं २ मा सत्ता गठबन्धनको तर्फबाट कांग्रेसका उम्मेदवार सञ्जय कुमार गौतम निर्वाचित भएका छन् ।संसदीय प्रतिस्पर्धामा गौतमको यो तेस्रो जित हो ।

उनी ३० हजार ६ सय ११ मत ल्याउँदै निर्वाचित भएका हुन् । एमालेका लक्ष्मण राज ज्ञवालीलाई उनले ४ हजार ५ सय ६ मतान्तरले पराजित गरे । ज्ञवालीले भने २६ हजार ६ सय ९१ मत पाएका छन् ।

दास्रो संविधानसभा निर्वाचनमा पहिलो पटक गौतमले एमालेका पूर्ण शर्मालाई पराजय गरी सांसद बनेका थिए । ०७४ को प्रतिनिधिसभा निर्वाचनमा उनी बर्दिया २ बाट तत्कालीन एमाले उपाध्यक्ष वामदेव गौतमलाई पराजित गरेर निर्वाचित भएका थिए ।

यसपटक पनि उनी क्षेत्र नम्बर २ मा गठबन्धनबाट उम्मेदवार भई निर्वाचित भएका हुन् । ०७४ सालको निर्वाचनमा गौतमले वामदेव गौतमलाई ७ सय ५३ मतले पराजय गरी राष्ट्रिय चर्चा पाएका थिए ।

प्रकाशित : मंसिर ८, २०७९ २१:५०
प्रतिक्रिया
पठाउनुहोस्

बर्दिया- २ (१) मा नागरिक उन्मुक्ति पार्टीका चौधरी निर्वाचित

कमल पन्थी

बर्दिया — बर्दिया क्षेत्र नम्बर २(१) प्रदेशसभामा नागरिक उन्मुक्ति पार्टीका धर्मराज चौधरी निर्वाचित भएका छन् । उनले सत्ता गठबन्धनका मान बहादुर चौधरीलाई फराकिलो मतले पराजित गरेका हुन् ।

धर्मराज २० हजार १ सय २७ मत प्राप्त गरी निर्वाचित भएका हुन् । उनका निकटतम प्रतिस्पर्धी मान बहादुरले १० हजार ९ सय ८४ मत पाएका छन् ।

उनी २०६४ को संविधानसभामा निर्वाचित भएका थिए । एमालेबाट प्रदेससभा सदस्यमा उम्मेदवार बनेकी कृष्णी थारुले ७ हजार १८ मत पाएकी छन् । उनी ०७४ सालमा एमालेबाट निर्वाचित भई लुम्बिनी प्रदेशको उपसभामुख बनेकी हुन् ।

प्रकाशित : मंसिर ८, २०७९ २१:४१
पूरा पढ्नुहोस्
प्रतिक्रिया
पठाउनुहोस्
×