मोरङ १(१) : सत्ता गठबन्धनका उम्मेदवारलाई हराउँदै एमालेका उमाकान्त गौतम विजयी- प्रतिनिधि / प्रदेशसभा निर्वाचन २०७९ - कान्तिपुर समाचार

मोरङ १(१) : सत्ता गठबन्धनका उम्मेदवारलाई हराउँदै एमालेका उमाकान्त गौतम विजयी

कान्तिपुर संवाददाता

काठमाडौँ — प्रदेश सभातर्फ मोरङ क्षेत्र नम्बर १(१)मा सत्ता गठबन्धनका उम्मेदवार माओवादी केन्द्रका कुलप्रसाद साम्बालाई हराउँदै एमालेका उमाकान्त गौतम विजयी भएका छन् ।

गौतमले १३ हजार ५ सय ३१ मत प्राप्त गरे । उनका निकटतम् प्रतिद्वन्द्वी साम्बाले १० हजार ४ मत प्राप्त गरे । साम्बा निर्वतमान प्रदेश सांसद हुन् ।

यस्तै, राप्रपाका पूर्णबहादुर वाइवा तामाङले ९ हजार १८४ मत प्राप्त गरे । मंगोल नेशनल अर्गनाइजेसनका शिवकुमार राईले २ हजार २४२ मत ल्याए ।

मोरङ १ मा प्रतिनिधिसभा तर्फ कांग्रेस, दुई वटा प्रदेश सभा सदस्यमा माओवादी केन्द्र र नेकपा एसले भागबन्डा गरेका थिए । भागबन्डा अनुसार मोरङ १(१)मा माओवादी र मोरङ १(२)मा नेकपा एसले पाएका थिए । प्रदेशतर्फ कांग्रेसका उम्मेदवार नभएपछि रुष्ट कांग्रेसका मतदाताले राप्रपा र अन्य दलललाई भोट हालेको विश्लेषण गरिएको छ ।

जारी गणनामा प्रदेश १(२)मा पनि गठबन्धनका उम्मेदवार एवं प्रदेशका बहालवाला मन्त्री उपेन्द्र घिमिरे पछाडि छन् । उनलाई एमालेका खड्ग बस्नेतले पछाडि पारिरहेका छन् । पछिल्लो मत परिणाम अनुसार एमालेका बस्नेतले २३ सय ८५ मत ल्याउँदा घिमिरेले १६ सय ५६ मत प्राप्त गरेका छन् ।

प्रकाशित : मंसिर ८, २०७९ १९:४५
प्रतिक्रिया
पठाउनुहोस्

काभ्रे २ (१) मा एकीकृत समाजवादीका लम्साल विजयी

ज्योति श्रेष्ठ

काभ्रे — काभ्रेको प्रतिनिधिसभा क्षेत्र नम्बर २ प्रदेश सभा (१) मा सत्तारुढ गठबन्धनबाट संयुक्त उम्मेदवार बनेका नेकपा एकीकृत समाजवादीका लक्ष्मण लम्साल विजयी भएका छन् । लम्सालले निकटतम प्रतिद्वन्द्वी नेकपा एमालेका उम्मेदवार कुमार खकुरेललाई पछि पार्दै विजयी भएका हुन् ।

लम्सालले १९ हजार ४ सय ८ मत प्राप्त गरेका छन् भने खकुरेलले १९ हजार २ सय २० मत पाएका छन् । प्रदेश २ (१) मा लम्सालसागै ६ जना प्रतिस्पर्धामा थिए । लम्साल यसअघिको २०७४ सालको निर्वाचनमा पनि सोही क्षेत्रबाट निर्वाचित भएका हुन् । मंसिर ४ गते सम्पन्न भएको निर्वाचनमा क्षेत्र नम्बर २ को प्रदेश (१) मा ४७ हजार ७ सय ११ मत खसेको थियो । जिल्लाको कुल मतदाता ३ लाख १० हजार ६३ मध्ये प्रदेश २ (१)मा ७७ हजार १ सय ९ मतदाता छन् । लम्साल यस अघिको निर्वाचन २०७४ मा पनि यसै निर्वाचन क्षेत्रबाट निर्वाचित भएका थिए ।


प्रकाशित : मंसिर ८, २०७९ १९:३९
पूरा पढ्नुहोस्
प्रतिक्रिया
पठाउनुहोस्
×