दाङ-३ (२) मा माओवादी केन्द्रका धनबहादुर मास्की विजयी- प्रतिनिधि / प्रदेशसभा निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

दाङ-३ (२) मा माओवादी केन्द्रका धनबहादुर मास्की विजयी

दुर्गालाल केसी

दाङ — दाङ निर्वाचन क्षेत्र नम्बर ३ को प्रदेशसभा २ मा गठबन्धनको तर्फका माओवादी केन्द्रका उम्मेदवार धनबहादुर मास्की २ हजार १ सय ६३ मतान्तरले विजयी भएका छन् । 

मास्कीले २२ हजार ३ सय २१ मत ल्याएका छन् भने उनका निकटतम प्रतिस्पर्धी एमालेका हुकुमबहादुर बस्नेतले २० हजार १ सय ५८ मत ल्याएका छन् । मास्की माओवादी केन्द्रका पोलिटब्युरो सदस्य हुन् भने बस्नेत एमाले जिल्ला अध्यक्ष हुन् ।

दुवै जना पहिलोपटक संसदीय निर्वाचनमा सहभागी भएका थिए । यस क्षेत्रमा ७९ हजार ९ सय ८९ मतदाता रहेकोमा ४९ हजार ९ सय ५० मत खसेको थियो ।


प्रकाशित : मंसिर ८, २०७९ १४:०९
प्रतिक्रिया
पठाउनुहोस्

सल्यान प्रदेशसभा २ बाट कांग्रेसका अधिकारी विजयी 

विप्लव महर्जन

काठमाडौँ — एक मात्र प्रतिनिधिसभा रहेको सल्यानको प्रदेशसभा २ मा नेपाली कांग्रेसका सुरेश अधिकारी विजयी भएका छन् ।गएराति सम्पन्न भएको मत गणनामा अधिकारीले २० हजार ४ सय ८ मत ल्याई विजयी भएका हुन् ।

उनका निकटतम प्रतिद्वन्द्वी एमालेका उमेदवार गुलाजंग शाहले १६ हजार ६ सय १८ मत ल्याएका थिए । अधिकारीले शाहलाई ३ हजार ७ सय ९० मतले पछाडि पारे । दुई निर्वाचन क्षेत्र रहेको सल्यानमा प्रजातन्त्र आएपछि २०४८ र २०५१ को मध्यावधि निर्वाचनमा क्षेत्र नम्बर १ बाट कांग्रेसका राजेन्द्रबहादुर शाह र २ बाट छवि देवकोटाले जितेका थिए । त्यसपछि निरन्तर कांग्रेसले २०७४ सम्म पराजय ब्यहोरेको थियो । जिल्ला सभापति केशबहादुर बिष्टले यो पटक सल्यानको प्रदेशसभा २ मा कांग्रेसले एक्लै जित्न सक्ने सम्भावना भएपनि केन्द्रले गठबन्धन गरेपछि अझ सहज भएको बताए ।



प्रकाशित : मंसिर ८, २०७९ १४:०५
पूरा पढ्नुहोस्
प्रतिक्रिया
पठाउनुहोस्
×