१७.१२°C काठमाडौं
काठमाडौंमा वायुको गुणस्तर: १७०

रोल्पा प्रदेश- १ (२) मा स्वतन्त्रका पुन विजयी

काशीराम डाँगी

रोल्पा — रोल्पा-१ (२) मा प्रदेशसभा सदस्य निर्वाचनमा सत्ता गठबन्धनका उम्मेदवारलाई हराउँदै स्वतन्त्रतर्फका उम्मेदवार विजयी भएका छन् । स्वतन्त्र उम्मेदवार दिपेन्द्रकुमार पुनले १४ हजार ९ सय २७ मत प्राप्त गरेर विजयी भएका हुन्।

रोल्पा प्रदेश- १ (२) मा स्वतन्त्रका पुन विजयी

मुख्य निर्वाचन अधिकृतको कार्यालयका अनुसार उनले गठबन्धनका साझा उम्मेदवार कांग्रेसका प्रदेश सभापति अमरसिंह पुनलाई ४ हजार ५ सय २१ मतान्तरले जितेका हुन्।

अमरसिंहले १० हजार ४ सय ६ मत पाएका छन्। विजयी दिपेन्द्रले आफ्नै पार्टीको निर्णय र गठबन्धनको निर्णय विरुद्ध बागी उम्मेदवारी दिएका थिए। उनको जित प्रति प्रतिक्रिया दिँदै कांग्रेसले गठबन्धनलाई धोका भएको जनाएको छ।

उम्मेदवारी दिनुअघि दिपेन्द्रले पार्टीको सबै जिम्मेवारीबाट राजीनामा दिएका थिए। उनी पोलिट्ब्युरो सदस्य, रोल्पा इन्चार्ज र घाइते अपांग तथा द्वन्द्व पीडित समितिका केन्द्रीय इन्चार्ज पनि थिए।

तेस्रोमा एमालेका प्रेम बहादुर घर्तीले ८ हजार ८ सय ५ मत पाएका छन्। यस क्षेत्रमा राप्रपाका सेते दमाईले ४ सय ७६ र राप्रपा नेपालका केशरबहादुर पुनले २ सय ७४ मत पाएका छन्। उक्त क्षेत्रमा ३६ हजार ८ सय ६२ मत खसेकोमा बदर मत १ हजार ९ सय ७४ छ।

प्रकाशित : मंसिर ७, २०७९ १८:२५
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?