दाङ २ (१) मा कांग्रेसका राजु खनाल विजयी
दाङ — दाङ-२ (१) मा सत्ता गठबन्धनको तर्फबाट नेपाली कांग्रेसका उम्मेदवार राजु खनाल विजयी भएका छन् । खनालले १५ हजार ६ सय १६ मत प्राप्त गरेका छन् भने उनका निकटतम प्रतिस्पर्धी नेकपा एमालेका बलिभद्र रानाले १४ हजार ४ सय ४९ मत प्राप्त गरेका छन् । उनीहरूको मतान्तर १ हजार १ सय ६७ रहेको छ ।
राष्ट्रिय प्रजातन्त्र पार्टीका उम्मेदवार गोपालबहादुर बेल्बासेले ३ हजार ६ सय ३७ मत प्राप्त गरेका छन् ।
यस क्षेत्रमा बंगलाचुली गाउँपालिका र घोराही उपमहानगरपालिकाका ४, १३, १४, १५, १७, १८ र १९ वडाहरू पर्दछन् । यस क्षेत्रमा ३७ हजार ८६ मत खसेको थियो । यस क्षेत्रमा १ हजार ४ सय ८५ मत बदर भएको छ ।
खनाल कांग्रेस लुम्बिनी प्रदेश उपाध्यक्ष हुन् । खनाल २०७० मा दाङ-३ बाट संविधानसभा सदस्य निर्वाचित भएका थिए भने २०७४ मा उक्त क्षेत्रबाटै माओवादी केन्द्रका नेता कृष्णबहादुर महरासँग पराजित भएका थिए ।
प्रकाशित : मंसिर ७, २०७९ १२:२६