रसुवा — एकमात्र प्रतिनिधिसभा निर्वाचन क्षेत्र रहेको रसुवा जिल्लामा पहिलो मतपरिणम सार्वजनिक भएको छ ।

जारी गणनाको सुरुवाती परिणाममा नेपाली कांग्रेसका उम्मेदवार मोहन आचार्यले १ हजार १ सय ६ मत प्राप्त गरेका छन् । नेकापा एमालेका उम्मेदवार छोवाङ तेन्जिङ तामाङले ७ सय ७१ मत प्राप्त गरेको मुख्य निर्वाचन अधिकृतको कार्यलयले बताएको छ ।

सुरुवाती परिणाममा नेपाली कांग्रसका उम्मेदवार मोहन आचार्उले अग्रता लिएका छन् । अहिलेसम्म १ हजार ९ सय ६५ मतगणना भएको छ । प्रदेशसभा १ तर्फको गाउंखर्क राष्ट्रिय प्रावि र रसुवा मावि क तथा प्रदेशसभा २ तर्फको चिप्लेटी प्रावि सल्लेटार ख र डांडागाउं मावि ख मतदान केन्द्रको मतगणना भएको प्रमुख निर्वाचन अधिकृत रामचन्द्र पौडेलले बताए ।

मतगणना जारी छ । एक प्रतिनिधि र दुई प्रदेशसभा निर्वाचन क्षेत्र रहेको रसुवा जिल्लामा अस्थाइ र स्थाइ गरि ३६ मतदानस्थल र ५४ वटा मतदान केन्द्र रहेको छ । रसुवामा ३९ हजार ४ सय ५९ मतदाता रहेका छन् । जसमध्य महिला १९ हजार ३ सय ४० पुरुष २० हजार १ सय १८ र अन्य १ जना रहेका छन ।