प्रतिनिधिसभाको मतपत्र प्रदेशसभाको मतपेटिकामा भेटियो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
इटहरी — सुनसरीको गढी गाउँपालिका मतदान केन्द्रमा प्रतिनिधिसभातर्फको मतपत्र प्रदेशसभाको मतपेटिकामा भेटिएको छ । सुनसरी क्षेत्र नं ३ को ‘क’ अन्तर्गत गढी गाउँपालिकाका–१ मधेलीस्थित मजदुर किसान माविमा रहेको मतदान केन्द्रमा मतपत्र फरक पेटिकामा खसेको पाइएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![प्रतिनिधिसभाको मतपत्र प्रदेशसभाको मतपेटिकामा भेटियो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/mat-petika-2-21112022012547-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उक्त मतदान केन्द्रबाट प्रतिनिधिसभाका १०० मतपत्र प्रदेशसभातर्फको मतपेटिकामा खसेको हो । सोही विषयमा निर्णय गर्न तत्काल सर्वदलीय बैठक बसेपनि निर्वाचन कार्यालयको निर्णय पर्खनुपर्ने हुँदा मतगणना सुरु हुन सकेको थिएन । दिउँसो मतगणना स्थलमा राखिएको सीसीटीभी फुटेज हेरेपछि दलहरु केही सकारात्मक बनेका थिए ।
प्रदेशसभातर्फको मतपेटिकामा खसेको मतलाई बदर गरी मतगणना प्रक्रिया अघि बढाउन राजनीतिक दलहरु सहमति नजिक पुगेको प्रतिनिधिसभाका स्वतन्त्र उम्मेदवार स्मित कार्कीले बताए । उनले भने, ‘प्रदेशसभातर्फको मतपेटिकामा खसेको मत खारेज गर्ने कुरामा दलहरु अन्तिम चरणमा पुगेको छ । केहीबेरमा मतगणना सुरु हुन्छ ।’ निर्वाचन क्षेत्र नम्बर ३ मा कुल १ लाख २५ हजार ४ सय ३२ मतदाता रहेका छन् । जसमध्ये ७३ प्रतिशत मत खसेको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)