मतदान बिथोल्न खोज्ने ३ जना पक्राउ

पक्राउ पर्नेमा युवा संगठनका जिल्ला संयोजक महेश बस्नेत, अखिल क्रान्तिकारीका केन्द्रीय सचिवालय सदस्य हरि पुन र संगठनका जिल्ला सम्मेलन आयोजक समिति सदस्य राकेश विक रहेका छन् । बस्नेत वडा नम्बर ५ को गोतामकोट, पुन वडा नम्बर १३ को निमावि घेत्मा र विक वडा नम्बर ११ को नेपाल राष्ट्रिय मावि मतदानस्थलबाट पक्राउ परेको बताइएको छ ।

मतदानमा अवरोध गर्न खोज्नेलाई पक्राउ गरिएको र मतदान भने नरोकिएको प्रमुख जिल्ला अधिकारी घिमिरेको भनाइ छ । अहिले थप सुरक्षा व्यवस्था कडा पारेर मतदान चलिरहेको उनले बताए । चन्द नेतृत्वको नेकपा र नेकपा बहुमतलगायत दलले घोषित रुपमै चुनाव बहिष्कार गरेर चुनाव बिथोल्न विभिन्न प्रयास गरिरहेका छन् ।