आफ्नो नाम आफैं खोज्दै मतदाता
महोत्तरीको गौशाला- १ स्थित मावि रामनगर मतदान केन्द्रमा मतदाताहरूले मतदाता नामावलीमा रहेको आफ्नो नामको क्रमसङ्ख्या आफैंले खोजिरहेका छन् । मतदान अधिकृत कालिचरण चौधरीले मतदाता आफैँले स्वतःस्फुर्त रुपमा सहयोग गरेको बताए ।
कर्मचारीले अल्छी गरेर क्रमसङ्ख्या नखोजिदिएको र भेटिएन भन्दै बाहिर पठाउने गरेको मतदाता बताउँछन् । गौशला-१ का स्थानीय शिवशंकर महतोले कर्मचारीले नाम नभेटेको भन्दै बाहिर पठाएपछि मत खसाल्न मतदातालाई झन्झट भैरहेको बताए ।
अल्फाबेटबाट क्रमसङ्ख्या खोज्दा नपाएपछि खोज्न समस्या भैरहेको कर्मचारीले बताएका छन् ।
प्रकाशित : मंसिर ४, २०७९ १२:४१प्रतिक्रिया