४७ अंकले बढेकाे सेयर बजार २१०० अंकमा राेकियाे
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सेयर कारोबार मापक नेप्से परिसुचक ४७ अंकले बढेको छ । आज २.२९ प्रतिशतले बढेको सेयर बजार २१ सय दशमलव ४३ विन्दुमा पुगेर रोकिएको हो । आज बजार खुलेको केही मिनेटमै नेप्से ४ प्रतिशतले बढेपछि सर्किट ब्रेकरमार्फत २० मिनेटका लागि कारोबार रोकिएको थियो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![४७ अंकले बढेकाे सेयर बजार २१०० अंकमा राेकियाे](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/money-finance/share-bullish-1222024105527-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
फेरि २० मिनेटपछि खुलेको सेयर बजार ५ प्रतिशतले बढेको थियो । दोस्रो घण्टामा ५ प्रतिशतले बजार बढेपछि ४० मिनेटका लागि कारोबार रोकिएको थियो । खुलेको बजार ६ प्रतिशतले बढेको खण्डमा तेस्रो सर्किट ब्रेकरमार्फत आजका लागि कारोबार बन्द हुने थियो । बजार नबढ्दा दिनभर कारोबार भयो ।
आज १ करोड १६ लाख ४५ हजार ९ सय ५ कित्ता सेयर किनबेच भएको छ । आज कुल ४ अर्ब ५७ करोड ६८ लाख रुपैयाँको कारोबार भएको हो । सबै उपसमूहहरु बढ्यो । त्यसमध्ये सबैभन्दा बढी निर्जिवन बिमा २५३.९९ अंकले बढ्यो । जीवन बिमा २१३.३६ अंक र उत्पादन तथा प्रशोधन २०९.८० अंकले बढ्यो ।
आज कुल २२७ कम्पनीको सेयर मूल्य बढ्यो भने १७ कम्पनीको सेयर मूल्य घट्यो । ३ कम्पनीको सेयर मूल्य स्थिर रह्यो । आज हिमालय डिस्टिलरीको सेयर मूल्य ८.५४ प्रतिशतले बढ्यो । समाज लघुवित्त वित्तीय संस्थाको मूल्य ६.९६ प्रतिशतले बढ्यो । उपकार लघुवित्त वित्तीय संस्थाको सेयर मूल्य ६.४६ प्रतिशतले घट्यो ।
![](https://assets-cdn.ekantipur.com/uploads/source/ads/900-x-100-0172024023126.gif)