१८ प्रतिशत घट्यो मुलुकको ब्यापार घाटा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — मुलुकको ब्यापार घाटा १८.७७ प्रतिशतले घटेको छ । भन्सार विभागले सार्वजनिक गरेको तथ्यांकअनुसार चालु आर्थिक वर्षको साउनदेखि मंसिर मसान्तसम्म ५ महिनाको अवधिमा मुलुकको कुल ब्यापार घाटा ५ खर्ब ९७ अर्ब ४४ करोडमा सीमित भएको छ । गत आर्थिक वर्षको यसै अवधिमा ब्यापार घाटा ७ खर्ब ३५ अर्ब ४८ करोड पुगेको थियो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![१८ प्रतिशत घट्यो मुलुकको ब्यापार घाटा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/import-0-22122022124645-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सरकारले चालु आर्थिक वर्ष मंसिर मसान्तसम्म नै केही वस्तुको आयात प्रतिबन्ध गरेका कारण मुलुकको समग्र आयात गत वर्षको तुलनामा घट्न जाँदा ब्यापार घाटामा कमी आएको हो । मंसिर मसान्तसम्म प्रतिबन्ध गरिएका चार पांग्रे सवारी, महँगा मोबाइल, १५० सीसीमाथिका मोटरसाइकल तथा मदिराको आयात पुसदेखि खुला भएको छ । चालु आर्थिक वर्षको ५ महिनामा कुल ६ खर्ब ६४ अर्ब ७४ करोडको वस्तु आयात भएको छ भने ६७ अर्ब ३० करोडको निर्यात भएको छ । गत वर्षको यसै अवधिको तुलनामा आयात २०.७ प्रतिशत कमी हो भने निर्यात ३४.६१ प्रतिशतले कमी हो ।
![](https://assets-cdn.ekantipur.com/uploads/source/ads/900-x-100-0172024023126.gif)