४२ हजार ९८३ टन मल मौज्दात छ, थप आउँदैछ : कृषि मन्त्रालय

कान्तिपुर संवाददाता

काठमाडौँ — धान लगाउने बेला सधैं मल अभाव हुने गरेका बेला अहिले भने मौज्दातमा रहेको पाइएको छ । सरकारले हाल ४२ हजार ९८३ टन मल मौज्दात रहेको जानकारी दिएको छ । कृषि तथा पशुपन्छी विकास मन्त्रालयका अनुसार युरिया, डीएपी र पोटास गरी कृषि सामग्री कम्पनीसँग ३५ हजार ४४९ टन र साल्ट ट्रेडिङसँग ७ हजार ५३४ टन मल मौज्दात छ ।

चालु आर्थिक वर्षमा हालसम्म ८६ हजार २४६ टन मल बिक्री भइसकेको पनि मन्त्रालयले जनाएको छ । त्यस्तै १५ हजार टन युरिया आयात भइरहेको र केही दिनमै नेपाल आइपुग्ने मन्त्रालयले जनाएको छ । मन्त्रालयका अनुसार ३० हजार टन युरिया पुसको पहिलो साता नेपाल आइपुग्नेछ, यो परिमाणको हाल बोरा प्याकिङ भइरहेको छ ।

चालु आर्थिक वर्षमा हालसम्म २ लाख ५७ हजार टन रासायनिक मल खरिदको लागि टेन्डर आह्वान (जीटूजी समेत) भएकोमा १ लाख १० हजार टन आयात भइसकेको मन्त्रालयको भनाइ छ । एक विज्ञप्ति जारी गर्दै मन्त्रालयले भनेको छ ‘टेन्डर भएर आयात हुन बाँकी मल फागुन महिनासम्म नेपाल आइपुग्ने कृषि सामग्री र साल्ट ट्रेडिङले जानकारी दिएका छन् ।’


प्रकाशित : मंसिर १८, २०७९ १६:०७
प्रतिक्रिया
पठाउनुहोस्

अब बन्ने सरकारले राजनीतिक स्थिरता दिन्छ : नेता पौडेल

रासस

डुम्रे — नेपाली कांग्रेसका नेता एवं नवनिर्वाचित प्रतिनिधिसभा सदस्य रामचन्द्र पौडेलले अब बन्ने सरकारले राजनीतिक स्थिरता, सुशासन, विकास र गाउँमै रोजगारी प्रदान गर्ने बताएका छन् । 

तनहुँको व्यास नगरपालिका–८ पुलिमराङमा आयोजित कार्यक्रममा उनले सत्तारुढ गठबन्धनको लक्ष्य शान्ति, सुशासन र स्थिर सरकार हो भने । 'देशलाई सुशासन आवश्यक छ, भ्रष्टाचार र कमिशनतन्त्र रोक्न सक्यौ| भने देशको विकास हुन्छ', नेता पौडेलले भने, 'कृषिमा क्रान्ति गरेर खाद्यान्नमा आत्मनिर्भर हुनुपर्छ, पर्यटनको विस्तार गाउँसम्म पुर्‍याउनुपर्छ, गाउँगाउँमा उद्योग खोल्नुपर्छ, यसले गाउँमा नै रोजगारी सिर्जना गर्छ र समृद्ध मुलुक बनाउन सकिन्छ ।'

उनले नवनिर्वाचित जनप्रतिनिधिले जनताको विश्वासमा धोका दिन नहुने बताए । उनले आजै पुलिमराङस्थित सहिद पार्क पुगी सहिदको सालिकमा माल्यार्पण गरेका थिए । त्यस अवसरमा उनले आफू सहिद धर्मध्वज गुरुङको प्रेरणाले राजनीतिमा लागेको बताए ।

प्रकाशित : मंसिर १८, २०७९ १६:०५
पूरा पढ्नुहोस्
प्रतिक्रिया
पठाउनुहोस्
×