सुनको मूल्य प्रतितोला १ लाख नजिक 

शुक्रबार प्रतितोला ९९ हजार १ सय रुपैयाँ रहेको सुनको मूल्य आइतबार ४ सयले बढेको हो । ५ दिनमै सुनको मूल्य तोलामा २ हजार १ सय बढेको छ । मंसिर १३ गते सुनको मूल्य प्रतितोला ९७ हजार ४ सय रुपैयाँ थियो । त्यस्तै गत वर्षको फागुन २५ गते सुनको मूल्य अहिलेसम्मकै उच्च प्रतितोला १ लाख ५ हजार ५ सय रुपैयाँसम्म पुगेको थियो । चाँदीको मूल्य भने आइतबार २५ रुपैयाँ बढेको छ । शुक्रबार प्रतितोला १३४५ रुपैयाँ रहेकोमा १३७० कायम भएको छ ।