एयर इन्डिया र विस्तारा एयरलाइन्स गाभिने
नयाँदिल्ली — भारतका दुई वटा वायु सेवा कम्पनी गाभिने भएका छन् । एयर इन्डिया र विस्तारा एयरलाइन्स गाभिने भएका हुन् । एयर इन्डिया चलाइरहेको टाटा समूहले विस्तारा र एयर इन्डिया गाभिने जानकारी दिएको हो ।
त्यस्तै विस्तारा चलाउने सिंगापुर एयरलाइन्सले पनि यस सम्झौताअन्तर्गत २५० मिलियन अमेरिकी डलर लगानी गर्ने जनाएको छ । दुई एयरलाइन्स गाभिने प्रक्रिया सन् २०२४ सम्म पूरा हुने बताइएको छ । सम्झौतामा सिंगापुर एयरलाइन्सले एयर इन्डियामा २५.१ प्रतिशत सेयर पाउनेछ ।
Tata Group announces the consolidation of its airlines, Vistara and Air India by March 2024. pic.twitter.com/40QW2pBFzQ
— ANI (@ANI) November 29, 2022
गत वर्ष मात्रै ऋणमा डुबेको सरकारी वायु सेवा कम्पनी एयर इन्डियाको १०० प्रतिशत शेयर टाटा समूहले १८ हजार करोड रुपैयाँमा किनेको थियो ।
प्रकाशित : मंसिर १३, २०७९ १७:३२