विदेशमा रहेका नेपालीलाई 'सीआरएन' लिन सीडीएससीको आग्रह- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

विदेशमा रहेका नेपालीलाई 'सीआरएन' लिन सीडीएससीको आग्रह

कान्तिपुर संवाददाता

काठमाडौँ — सीडीएससीले विदेशमा रहेका नेपालीलाई प्राथमिक सेयर (आईपीओ) भर्ने प्रयोजनका लागि अनिवार्य रपमा सीआरएन (सीआस्बा रजिस्ट्रेसन नम्बर) लिन आग्रह गरेको छ । प्राथमिक सेयर (आइपीओ) भर्दा विदेशमा रहेका नेपालीलाई १० प्रतिशत आरक्षणको व्यवस्था भएसँगै सीडीएससीले यस्तो आग्रह गरेको हो ।

विदेशमा रहेका नेपालीले आफ्नो रेमिट्यान्स बचत खाता भएको बैंकमार्फत यस्तो सीआरएन लिनुपर्दछ । त्यहीं सीआरएन लिइसकेपछि विदेशमा रहेका नेपालीले ‘मेरो सेयर’ अनलाइन प्रणालीमार्फत आईपीओ भर्न सक्नेछन् । कुनै पनि संगठित संस्थाद्वारा निष्कासित प्राथमिक सेयरको १० प्रतिशत विदेशमा रोजगारी गरिरहेका नेपालीका लागि छुट्याई बाँडफाँट गर्नुपर्ने व्यवस्था हालै गरिएको छ । यो व्यवस्था लागू भइसकेकोले अब आईपीओ खोल्ने कम्पनीले विदेशमा रहेका नेपालीलाई आरक्षण कोटा छुट्याउनुपर्नेछ ।


प्रकाशित : मंसिर ११, २०७९ १७:१५
प्रतिक्रिया
पठाउनुहोस्

बैतडीमा समानुपातिकतर्फ एमाले पहिलो

तृप्ति शाही

बैतडी — बैतडीमा प्रतिनिधिसभा समानुपातिकतर्फ एमाले पहिलो भएको छ । मुख्य निर्वाचन अधिकृतको कार्यालयका अनुसार एमालेले सबैभन्दा बढी २९ हजार ४० मत प्राप्त गरेको हो । यस्तै नेपाली कांग्रेसले २४ हजार ५ सय र नेकपा माओवादी केन्द्रले ११ हजार ४० मत प्राप्त गरेको छ । 

राप्रपाले १ हजार ९८८ मत प्राप्त गर्दा एकीकृत समाजवादीले १ हजार ४ सय मत पाएको मुख्य निर्वाचन अधिकृतको कार्यालयले जनाएको छ । प्रतिनिधिसभा समानुपातिकतर्फ ७७ हजार ७७६१ मत खसेकोमा ५ हजार ४२१ मत बदर भएको छन्।

यस्तै, प्रदेशसभा समानुपातिकतर्फ पनि एमालेले नै बढी मत प्राप्त गरे‍को छ । प्रदेशसभा सदस्य समानुपातिकतर्फ एमालेले ३० हजार ८७९ मत प्राप्त गरेको छ । यस्तै नेपाली कांग्रेसले २१ हजार ६१९ मत प्राप्त गरेको छ ।

नेकपा माओवादी केन्द्र १३ हजार १०२ मत प्राप्त गरेर तेस्रो भएको छ । यस्तै राप्रपाले २ हजार ११२ र एकीकृत समाजवादीले १ हजार ८४५ मत प्राप्त गरेको छ । प्रदेशसभा सदस्य समानुपातिकतर्फ ७७ हजार ४२३ मत खसेकोमा ५ हजार ५५ मत बदर भएको छ ।


प्रकाशित : मंसिर ११, २०७९ १७:११
पूरा पढ्नुहोस्
प्रतिक्रिया
पठाउनुहोस्
×