दसैं बिदामा निगमको डिपो खुला राख्छौं : आयल निगम- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

दसैं बिदामा निगमको डिपो खुला राख्छौं : आयल निगम

कान्तिपुर संवाददाता

काठमाडौँ — नेपाल आयल निगमले दसैंको सार्वजनिक बिदामा डिपोहरु खुला राख्ने भएको छ । पेट्रोलियम पदार्थको आपूर्तिलाई सहज बनाउन निगमले डिपोहरु खुला राख्न लागेको हो । निगमका अनुसार डिपोहरु स्थानीय आवश्यकताको आधारमा खुला हुनेछन् । त्यसका लागि कार्यतालिकासमेत प्रकाशित गरेको छ ।  

त्यस्तै, इन्धनको आपूर्ति तथा उपलब्धतामा समस्या देखिए तत्काल सम्पर्क गर्न फोन नम्बरसमेत उपलब्ध गराइएको छ । ‘पेट्रोलियम पदार्थको सहजरुपमा बिक्री वितरणको व्यवस्था मिलाउन स्थानीयको आवश्यकताअनुसार डिपोहरु खुल्ला राख्ने छौं,’ निगमले जारी गरेको विज्ञप्तिमा भनिएको छ । पेट्रोल, डिजेल र मट्टीतेलको उपलब्धतामा समस्या देखिए निगममा सम्पर्क गर्न अनुरोध गरिएको छ ।



प्रकाशित : आश्विन १३, २०७९ १८:३३
प्रतिक्रिया
पठाउनुहोस्

सुख्खा पहिरो झरेपछि त्रिशूली-गल्छी सडक अवरुद्ध

कृष्ण थापा

नुवाकोट — त्रिशूली-गल्छी सडक खण्डको बुधसिङघाटमा सुख्खा पहिरो खसेपछि यातायात सेवा अवरुद्ध भएको छ । जिल्लाको बेलकोटगढी नगरपालिका ७ बुधसिङघाटमा बिहीबार अपराह्न ५ बजे सुख्खा पहिरो झरेपछि सडक अवरुद्ध भएको जिल्ला प्रहरी कार्यालय नुवाकोटका सूचना अधिकारी एवं डिएसपी रुपक खड्काले बताए ।

‘ठूलो पहिरो छ,' उनले भने, 'तत्काल पहिरो पन्छाउन सक्ने अवस्था छैन । यात्रु तथा सवारीका लागि वैकल्पिक मार्ग छहरे-टोखा सडक खण्ड प्रयोग गर्नुपर्ने अवस्था छ ।’

डिएसपी खड्का अनुसार पहिरो सडकबाट त्रिशूली नदीसम्म पुगेको छ । काडमाडौं हुँदै धादिङको गल्छी, मकवापुरको हेटौंडा र चितवन नारायणगढ हुँदै नुवाकोट र रसुवा आउने सवारी बुधसिङघाट पर महादेवफाँटमा रोकिएका छन् । नुवाकोट र रसुवा हुँदै गल्छी जाने गाडी काँशीटारतर्फ रोकिएका छन् ।

प्रकाशित : आश्विन १३, २०७९ १८:२२
पूरा पढ्नुहोस्
प्रतिक्रिया
पठाउनुहोस्
×