४७ अंकले बढ्यो नेप्से, डेढ अर्बको कारोबार
काठमाडौँ — अघिल्लो दिनको तुलनामा बुधबार सेयर कारोबार मापक नेप्से परिसूचक करिब ४७ अंकले बढेको छ । मंगलबारको तुलनामा बुधबार नेप्से परिसूचक २.४५ प्रतिशतले बढेको हो । यो सँगै समग्र नेप्से परिसूचक १ हजार ९ सय ८१.४८ विन्दुमा उक्लेको छ ।
नेप्सेका अनुसार बुधबार २ सय २७ कम्पनीको १ अर्ब ४५ करोड ३८ लाख २४ हजार ६ सय ४९ रुपैयाँ बराबरको ४६ लाख १८ हजार ५ सय १६ कित्ता सेयर किनबेच भएका छन् । अघिल्लो दिनको तुलनामा कारोबार रकममा बढेको छ । मंगलबार ९२ करोड २५ लाख ७४ हजार ४०९ रुपैयाँ बराबरको कारोबार भएको थियो ।
बुधबार कारोबारमा आएका १३ वटा उपसमूहको परिसूचक बढे । तीमध्ये फाइनान्स उपसमूहको परिसूचक सबैभन्दा धेरै ५.९३ प्रतिशतले बढेको नेप्सेले जनाएको छ ।
प्रकाशित : भाद्र २९, २०७९ १५:५६प्रतिक्रिया