विश्व बैंकले दिने १२ अर्ब ७० करोड ऋण स्वीकार्ने सरकारको निर्णय 

विश्व बैंकको ऋण रकम नेपालको हरित, उत्पादनशील र समावेशी विकासका लागि खर्च हुने सरकारले जनाएको छ । त्यस्तै सरकारले जापानबाट प्राप्त हुने जापानी यन २२५६ मिलियन अर्थात २ अर्ब १३ करोड ६४ लाख रुपैयाँ बराबरको अनुदान रकम स्वीकार गर्ने निर्णय पनि गरेको छ ।

त्यस्तै सबै तहका निजामती कर्मचारी, नेपाली सेना, प्रहरी, स्वास्थ्य सेवा, संसद सेवा, सामुदायिक विद्यालयमा कार्यरत शिक्षकका लागि २०७९ साउन १ गतेदेखि लागू हुनेगरी नयाँ तलबमान एवम् ग्रेड स्वीकृत गर्ने निर्णय मन्त्रिपरिषदले गरेको छ । ऊर्जा जलस्रोत तथा सिँचाइ मन्त्रालयअन्तर्गत विभिन्न आयोजनाहरुका लागि राजपत्रांकित श्रेणिका ५१ वटा पदहरुको अस्थायी दरबन्दी स्वीकृत गर्ने निर्णय मन्त्रिपरिषदले गरेको छ ।