भारतको केन्द्रीय बैंकले पनि बढायो ब्याजदर 

आरबीआईले पछिल्लो ४ महिनामा १.४० प्रतिशत बिन्दुले रिपो दर बढाइसकेको छ । यसले भारतमा मुद्दती निक्षेपको ब्याज समेत बढ्ने छ । मुद्दती निक्षेपको ब्याजदर ८ प्रतिशतसम्म पुग्न सक्ने इकोनोमिक टाइम्सले उल्लेख गरेको छ । साथै घर तथा व्यक्तिगत कर्जाको ब्याज बढ्न जानेछ । आरबीआईले पोलिसी दर ५.१५ प्रतिशत कायम गरेको छ भने बैंकदर ५.६५ प्रतिशत कायम गरेको छ । विदेशी मुद्रा सञ्चिति हाल ५ खर्ब ७४ अर्ब डलर बराबर रहेको आरबीआईले स्पष्ट पारेको छ । २०२२ को आर्थिक वृद्धि ७‍ दशमलव २ प्रतिशत रहने आरबीआईको प्रक्षेपण छ ।