धेरै कम्पनीको मूल्य बढ्दा पनि नेप्से घट्यो - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

धेरै कम्पनीको मूल्य बढ्दा पनि नेप्से घट्यो 

कान्तिपुर संवाददाता

काठमाडौँ — बुधबार धेरै कम्पनीको मूल्य बढ्दा पनि सेयर बजारको परिसूचक नेप्से भने घटेको छ । कुल ७७ कम्पनीको मूल्य घट्दा ९६ को बढ्यो भने ७ को स्थिर रह्यो । नेप्से परिसूचक भने ६.७ अंक घट्यो । पुँजीकरणका आधारमा ठूला कम्पनीको मूल्य घटेकाले समग्र नेप्से घटेको हो । कम्पनी संख्याले नभई उच्च पुँजीकरण भएका कम्पनीको बजारमा बढी प्रभाव पर्दछ । 

दिनभर कुल ४ अर्ब २ करोडको कारोबार भयाे । नेप्से २१८६ अंकमा कायम भएको छ । दिउँसो १ : ४४ बजे नेप्से २२१४ अंकसम्म पुगेको थियो । जलविद्युत् ४२, माइक्रोफाइनान्स ७ र ब्यापार उपसमूह ८६ अंक बढे । बैंकिङ ९, विकास बैंक २३, फाइनान्स १, होटल तथा पर्यटन १४, जीवन बीमा ७३, उत्पादन १३, निर्जीवन बीमा ८६ र अन्य उपसमूह १८ अंक घटे ।

सामलिङ पावर र बलेफी हाइड्रोपावरको मूल्य १० प्रतिशत बढ्यो । युनाइटेड इदी मर्दी र समृद्धि फाइनान्सको मूल्य करिब ९ प्रतिशत बढ्यो । कारोबार रकमका आधारमा शिवम् सिमेन्ट, अपी पावर, हिमालयन डिस्टिलरी, हिमाल दोलखा हाइड्रो र युनाइटेड इदी मर्दी क्रमश: अगाडि रहे ।


प्रकाशित : श्रावण १८, २०७९ १५:१७
प्रतिक्रिया
पठाउनुहोस्

कांग्रेस नेता निधि र भाजपाका विदेश विभाग प्रमुख चौथाइवालेबीच भेट

कान्तिपुर संवाददाता

नयाँदिल्ली — पूर्वउपप्रधानमन्त्री एवं नेपाली कांग्रेसका नेता विमलेन्द्र निधि र भारतीय सत्तारुढ दल भारतीय जनता पार्टीका विदेश विभाग प्रमुख विजय चौथाइवालेबीच भेट भएको छ ।


नयाँदिल्लीको दिनदयाल मार्गस्थित भारतीय जनता पार्टीको कार्यालयमा बुधबार बिहान भएको एक घण्टा लामो भेटमा नेपाल -भारत दुई देश साथै नेपाली कांग्रेस र भारतीय जनता पार्टीबीचको सम्बन्ध आगामी दिनमा थप सुदृढ बनाउने लगायत विषयमा छलफल भएको थियो ।

यस अवसरमा कांग्रेसका पूर्वउपसभापतिसमेत रहेका निधिले रामजन्मभूमि अयोध्यामा निर्माणाधीन राम मन्दिरमा जनकपुरधामको जानकी मन्दिर तथा मिथिलावासीको तर्फबाट धातुको धनुष नेपालमै निर्माण गरी राख्ने विषयमा श्रीराम जन्मभूमि तीर्थक्षेत्रका पदाधिकारीसँगको बैठक उपलब्धीमूलक भएको बताएका थिए।

यसले दुई देशबीच रहेको आदि कालदेखिको सम्बन्धलाई सबै क्षेत्रमा दीर्घकालीन रुपमा थप बलियो बनाउने निधिले विश्वास व्यक्त गरे।

चौथाइवालेले राम मन्दिरमा धनुष राख्ने काम महत्त्वपूर्ण हुने भन्दै यसले दुई देशबीचको सम्बन्ध थप सुदृढ बनाउने विश्वास व्यक्त गरे।

गत शुक्रबार अयोध्या पुगेका निधिले राम मन्दिरमा धनुष राख्न गरेको प्रस्तावलाई श्रीराम जन्मभूमि तीर्थ क्षेत्रका महामन्त्री चम्पत रायले आफ्नो कार्य समितिमा छलफल गरी सहमति गराउने प्रतिबद्धता व्यक्त गरेका थिए ।

प्रकाशित : श्रावण १८, २०७९ १५:०९
पूरा पढ्नुहोस्
प्रतिक्रिया
पठाउनुहोस्
x
×