लघुवित्तलाई दिने कर्जामा बैंकले २ प्रतिशतभन्दा बढी प्रिमियम जोड्न नपाउने- अर्थ / वाणिज्य - कान्तिपुर समाचार

लघुवित्तलाई दिने कर्जामा बैंकले २ प्रतिशतभन्दा बढी प्रिमियम जोड्न नपाउने

कान्तिपुर संवाददाता

काठमाडौँ — लघुवित्त वित्तीय संस्थालाई थोक कर्जा प्रवाह गर्दा बैंक तथा वित्तीय संस्थाले आधार दरमा बढीमा २ प्रतिशत बिन्दुसम्म मात्र प्रिमियम जोड्न पाउने भएका छन् । राष्ट्र बैंकले मौद्रिक नीतिमा घोषणा भएको उक्त व्यवस्था कार्यान्वयनका लागि बुधबार परिपत्र जारी गरेको छ ।


‘बैंक तथा वित्तीय संस्थाले लघुवित्त वित्तीय संस्थालाई विपन्न वर्ग कर्जा अन्तर्गत थोक कर्जा प्रवाह गर्दा आधार दरमा २ प्रतिशत बिन्दुसम्म मात्र प्रिमियम थप गरी ब्याजदर निर्धारण गर्नुपर्नेछ,’ परिपत्रमा भनिएको छ । यसअघि थोक लघुवित्त वित्तीय संस्थाले मात्र ऋणपत्र जारी गर्न पाउने व्यवस्था रहेकोमा अब सञ्चित नोक्सान बाँकी नरहेका सबै लघुवित्त वित्तीय संस्थाले ऋणपत्र जारी गर्न पाउने भएका छन् । सञ्चित नोक्सानी बाँकी नरहेका लघुवित्त वित्तीय संस्थाले आफ्नो प्राथमिक पुँजीको बढीमा शत प्रतिशतले हुने रकमसम्म सहायक आवधिक ऋणपत्र जारी गर्न स्वीकृतिका लागि राष्ट्र बैंकमा निवेदन दिन सक्ने व्यवस्था गरिएको हो ।

प्रकाशित : श्रावण १८, २०७९ १४:१०
प्रतिक्रिया
पठाउनुहोस्

लागूऔषधसहित तीन जना पक्राउ

कमल पन्थी

बर्दिया — प्रहरीले ५ सय ५० मिलीग्राम लागूऔषध ब्राउन सुगरसहित तीन जनालाई पक्राउ गरेको छ ।

भारतबाट लागूऔषध नेपाल भित्र्याउने क्रममा बढेयाताल गाउँपालिका—८ स्थित दशगजाबाट शंकास्पद रुपमा हिँडिरहेको अवस्थामा जाँच गर्दा उनीहरूबाट प्रहरीले लागूऔषध फेला पारेको इलाका प्रहरी कार्यालय मैनापोखरले जनाएको छ ।

पक्राउ पर्नेमा दुई जना मधुवन नगरपालिका—५ का बासिन्दा हुन् भने एक जना मधुवन वडा नं ६ का हुन् । प्रहरी प्रवक्ता एंव जिल्ला प्रहरी कार्यालयका डीएसपी सूर्य सुवेदीका अनुसार पक्राउ पर्नेमा ललित बहादुर गुरुङ, समीर कार्की र किरण वंशी मगर रहेका छन् ।

मगर मधुवन वडा नं ६ का हुन् भने गुरुङ र कार्की वडा नं ५ का हुन् । उनीहरूबाट एक थान पल्सर मोटर साइकल र तीन थान मोबाइल पनि बरामद गरिएको प्रहरीले जनाएको छ । तीनै जना आरोपितलाई जिल्ला अदालतबाट म्याद थप गरी लागूऔषध सम्बन्धी मुद्दा दायर गरिएको प्रहरीले जनाएको छ ।

प्रकाशित : श्रावण १८, २०७९ १३:५७
पूरा पढ्नुहोस्
प्रतिक्रिया
पठाउनुहोस्
×