अब संस्थागत मुद्दती खातामा दिइने ब्याज व्यक्तिको भन्दा २ प्रतिशत बिन्दु कम हुनुपर्ने 

यसअघि बैंकहरुले व्यक्तिगतभन्दा संस्थाहरुको मुद्दती खातामा १ प्रतिशत बिन्दु कम ब्याज दिए पुग्ने व्यवस्था थियो । हाल वाणिज्य बैंकहरुले व्यक्तिगत मुद्दती खातामा अधिकतम ११.०३ प्रतिशत तथा संस्थागत मुद्दतीमा १०‍.०३ प्रतिशत ब्याज दिँदै आएका छन् । व्यक्तिगत मुद्दतीमा यहीं ब्याजदरलाई निरन्तरता दिँदा संस्थागत मुद्दतीमा ब्याजदर ९.०३ प्रतिशतभन्दा माथि हुनु हुँदैन । यो व्यवस्थाले बैंकहरुलाई तत्काल व्यक्तिगत मुद्दतीमा १ प्रतिशत बिन्दु ब्याजदर बढाउनुपर्ने वा अब खाेलिने संस्थागत मुद्दतीमा १ प्रतिशत बिन्दु ब्याजदर घटाउनुपर्ने बाध्यता सिर्जना भएको छ । नयाँ निर्देशन आजकै दिनबाट लागू भएको छ ।