उद्योगको संरक्षण र विकासका लागि बिजनेस इन्कुबेटर्स : उद्योगमन्त्री बडू- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

उद्योगको संरक्षण र विकासका लागि बिजनेस इन्कुबेटर्स : उद्योगमन्त्री बडू

कान्तिपुर संवाददाता

काठमाडौँ — उद्योग वाणिज्य तथा आपूर्तिमन्त्री दिलेन्द्रप्रसाद बडूले मुलुकभर उद्यम एवं उद्यमीको संरक्षण र विकास गर्न सरकारले बजेटमार्फत ‘बिजनेस इन्कुबेटर्स सेन्टर’ खोल्ने घोषणा गरेका छन् ।

सोमबार नेपाल उद्योग वाणिज्य महासंघले आयोजना गरेको बिजनेस इन्कुबेटर कन्फरेन्समा मन्त्री बडूले यस्तो बताएका हुन् । उनले अहिले मुलुकमा औद्योगिक रुपान्तरणको आवश्यकता भएको भन्दै औद्योगिक रुपान्तरणका लागि सरकारले चालु आर्थिक वर्षको बजेटमा सातै प्रदेशमा सात इन्कुबेटर्स सेन्टर बनाउने घोषणा गरेका हुन् ।

मन्त्री बडूले सरकारले पहिलो प्राथमिकतामा राखेर मुलुकभित्रै उत्पादन बढाउने र नयाँ स्टार्टअप उद्यमीको प्रवर्द्धनमा जोड दिएको बताए । उनले सरकारले बिजनेस इन्कुबेटर कन्फरेन्सलाई अझ व्यापक बनाउन निजी क्षेत्र तथा त्रिभूवन विश्वविद्यालय, पोखरा विश्वविद्यालय र नास्टसँग सहकार्य गर्न लागेको पनि बताए ।

बिजनेस इन्कुबेटर कन्फरेन्सका लागि सरकारले छुट्याएको बजेट भने प्राप्त नभएको उनले बताए । ‘सरकार केही काम गर्न चाहन्छ । अहिले मुलुकमा औद्योगिक रुपान्तरणको आवश्यकता छ । मुलुकमा उद्योग र उद्यमीहरुलाई बढीभन्दा बढी क्रियाशिल बनाउन जरुरी छ । जसले राष्ट्रिय उत्पादन बढाएर मुलुकमा समृद्धि बढाउन सकोस् । जुन लगानीले मुलुकको विद्यमान व्यापार घाटा कम गर्न सकोस् ।

प्रकाशित : श्रावण ९, २०७९ १७:२५
प्रतिक्रिया
पठाउनुहोस्

असंलग्न आन्दोलनको सफलताले मात्र विश्व शान्ति र एकता जोगाउँछ : बस्नेत

कान्तिपुर संवाददाता

काठमाडौँ — राष्ट्रिय युवा परिषद्‍का कार्यकारी उपाध्यक्ष सुरेन्द्र बस्नेतले असंलग्न आन्दोलनले मात्र विश्व शान्ति र एकता जोगाउन सक्ने बताएका छन् ।

अजरवैजानको राजधानी बाकुमा सुरु भएको असंलग्न आन्दोलनमा संलग्न राष्ट्रका युवाहरूको शिखर सम्मेलनमा नेपाली पक्षको प्रतिनिधि मण्डलको नेतृत्व गरेका बस्नेतले यस्तो बताएका हुन् ।

युवा शिखर सम्मेलनलाई सम्बोधन गर्दै बस्नेतले भने 'हामी भूगोलमा सानो वा विकासमा पछि परेका कारणले मात्र असंलग्न आन्दोलनमा लागेका होइनौं। हामी असंलग्न आन्दोलन मार्फत् सिङ्गो विश्वलाई यस्तो बनाउन चाहन्छौं जहाँ सबैले सबैको सार्वभौमसत्ता र स्वतन्त्रताको सम्मान गरुन् ।'

'विश्वशान्तिका अग्रदूत गौतम बुद्धका शान्ति सन्देशदेखि विगतमा विश्व समुदायमाझ नेपाललाई शान्ति क्षेत्र घोषणा गरियोस् भन्ने प्रस्तावसम्म आइपुग्दा नेपाल असंलग्न आन्दोलनको एउटा नेतृत्वदायी राष्ट्रको रुरपमा रहेको छ,' बस्नेतले भने।

बस्नेतले असंलग्न आन्दोलनको सफलताले मात्र विश्वमा दिगो शान्ति, विकास, भातृत्व र एकतालाई सुनिश्चित गर्नसक्ने धारणा राखेका थिए । जुलाई २५ देखि २९ तारिखसम्म बाकुमा 'नन अलाइन्ड मुभमेन्ट युथ समिट २०२२' हुँदैछ ।

नेपाली प्रतिनिधि मण्डलको नेतृत्व गरेका बस्नेतसँगै युवा तथा खेलकुद मन्त्रालयका उपसचिव डा. कृष्णबहादुर घिमिरेले पनि युवा शिखर सम्मेलनमा भाग लिएका छन् ।

प्रकाशित : श्रावण ९, २०७९ १७:०६
पूरा पढ्नुहोस्
प्रतिक्रिया
पठाउनुहोस्
x
×