हिमालयनले सिभिल बैंक किन्दै, शुक्रबार सम्झौता - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

हिमालयनले सिभिल बैंक किन्दै, शुक्रबार सम्झौता 

कान्तिपुर संवाददाता

काठमाडौँ — हिमालयन बैंकले सिभिल बैंक किन्ने (प्राप्ती गर्ने) भएको छ । दुबै बैंकको मर्जर कमिटीले यससम्बन्धी सम्पूर्ण तयारी पूरा गरेको छ । स्रोतका अनुसार दुबै बैंकको बोर्ड बैठक बसेर यसलाई पारित गरेपछि आगामी शुक्रबार प्राप्ती (एक्वीजिसन) सम्झौता हुने छ ।

एक्वीजिसन पश्चात सिभिल बैंक औपचारिक रुपमा हिमालयन बैंकमा विलय हुनेछ । संचालक समितिमा सबै हिमालयन बैंकबाट प्रतिनिधित्व हुनेछ । हाल सिभिल बैंकको १०० कित्ता सेयर हुनेले एक्वीजिसनपश्चात हिमालयन बैंकको ८० कित्ता पाउने छन् । एक्वीजिसनपछि बन्ने कम्पनीको नाम हिमालयन बैंक नै रहने र प्रमुख कार्यकारी अधिकृत पनि हिमालयनकै अशोक राणा रहने स्रोतले बताएको छ । यसअघि हिमालयन र इन्भेस्टमेन्ट बैंकबीच बराबर अनुपातमा मर्ज सम्झौता भए पनि साधारणसभाबाट भाँडिएको थियो । मर्ज सम्झौता भाँडिएपछि इन्भेस्टमेन्टले मेगालाई गाभ्दैछ ।


प्रकाशित : असार २२, २०७९ १८:१९
प्रतिक्रिया
पठाउनुहोस्

सांसदले 'बंक' गर्दा प्रतिनिधिसभा बैठक स्थगित

कान्तिपुर संवाददाता

काठमाडौँ — प्रतिनिधिसभाको बैठक गणपुरक संख्या नपुग्दा स्थगित गरिएको छ । औषधि (तेस्रो संशोधन) विधेयक, २०७९ माथि विचार गरियोस् भन्ने प्रस्तावलाई सभामुख अग्निप्रसाद सापकोटाले निर्णयार्थ प्रस्तुत गर्नेक्रममा कूल संख्याको एक तिहाइ पनि सांसदहरू उपस्थित नहुँदा प्रतिनिधसभा बैठक १५ मिनेटका लागि स्थगित गरिएको थियो । 

प्रतिनिधिसभाको बुधबारको बैठकमा धेरैजसो सांसद उपस्थित थिए । अर्थमन्त्रीबाट जनार्दन शर्माले राजीनामा दिएपछि संसद्‌को अन्य कारबाही अगाडि बढेको थियो । त्यसैक्रममा सांसदहरू भने बैठक छोडोर बाहिरिएका थिए ।

औषधि विधेयकमाथि विचार गरियोस् भन्ने प्रस्तावमाथि छलफल चलेर स्वास्थ्य तथा जनसंख्यामन्त्री भवानीप्रसाद खापुङले जवाफ दिने बेलासम्म संसद् बैठकका कुर्सी रित्ता देखिएका थिए । संविधानको धारा ९४ मा कुनै पनि प्रश्न वा प्रस्ताव निर्णयार्थ प्रस्तुत गर्दा एक तिहाईको सांसद उपस्थित हुनुपर्ने व्यवस्था छ ।

सांसद बस्ने कुर्सी रित्ता देखिएको अवस्थामा उक्त विधेयकमाथि विचार गरियोस् भन्ने प्रस्ताव निर्णयार्थ प्रस्तुत गर्ने क्रममा नेमकिपाका सांसद प्रेम सुवालले गणुरक संख्याको प्रश्न उठाएका थिए । त्यसपछि सभामुख सापकोटाले ३ मिनेट घण्टी बजाउन निर्देशन दिएका थिए ।

सांसदहरूले हाजिर गरी बाहिरिएकाले ३ मिनेटमा पनि गणपुरक संख्याअनुसार सांसदहरू पुगेका थिएनन् । ३ मिनेट घण्टी बजाउँदा पनि ६५ सांसदमात्रै उपस्थित भएका थिए । जबकी गणपुरक संख्या ६९ हो ।

त्यसपछि सभामुख सापकोटाले प्रतिनिधिसभा बैठक १५ मिनेटका लागि स्थगित गरेका थिए । यसअघि पनि प्रतिनिधिसभा बैठक गणपुरक सांसद उपस्थित नहुँदा स्थगित भएको थियो ।

प्रकाशित : असार २२, २०७९ १७:५८
पूरा पढ्नुहोस्
प्रतिक्रिया
पठाउनुहोस्
×