एकैदिन सुनको मूल्य १६ सय घट्यो - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

एकैदिन सुनको मूल्य १६ सय घट्यो 

कान्तिपुर संवाददाता

काठमाडौँ — बुधबार एकै दिन सुनको मूल्य प्रतितोला १ हजार ६ सय रुपैयाँले घटेको छ । नेपाल सुनचाँदी व्यवसायी महासंघले बुधबारका लागि सुनको मूल्य प्रतितोला ९६ हजार रुपैयाँ तोकेको छ । मंगलबार प्रतितोला ९७ हजार ६ सय रुपैयाँमा सुनको कारोबार भएको थियो ।

गत फागुन २५ गते सुनको मूल्य अहिलेसम्मकै उच्च १ लाख ५ हजार ५ सय रुपैयाँ पुगेको थियो । त्यसयता क्रमिक रुपमा सुनको मूल्य ओरालो लाग्दै आएको छ । त्यस्तै चाँदीको मूल्य प्रतितोला ३० रुपैयाँ घटेको छ । मंगलबार प्रतितोला १२०५ रुपैयाँमा कारोबार भएकोमा चाँदी बुधबार ११७५ मा घटेको छ । चाँदीको मूल्य गत फागुन २५ गते सबैभन्दा बढी १४५० रुपैयाँसम्म पुगेकाे थियाे ।


प्रकाशित : असार २२, २०७९ १४:३०
प्रतिक्रिया
पठाउनुहोस्

अर्थमन्त्री शर्माको राजीनामा माग्दै सिंहदरबारअगाडि प्रदर्शन

तस्बिर : प्रकाशचन्द्र तिमिल्सेना

काठमाडौँ — अर्थमन्त्री जनार्दन शर्माको राजीनामा माग्दै युथ कंग्रेसका कार्यकर्ताले सिंहदरबारबाहिर प्रदर्शन गरेका छन् । बुधबार दिउँसो युथ कंग्रेसका कार्यकर्ताले सिंहदरबारको दक्षिणी गेटनजिकै प्रदर्शन गरेका हुन् । केही प्रदर्शनकारीलाई प्रहरीले निषेधित क्षेत्रमा प्रदर्शन गरेको भन्दै पक्राउसमेत गरेको छ ।

अर्थमन्त्री शर्मामाथि बजेट घोषणाको अघिल्लो रात अनधिकृत व्यक्तिलाई प्रवेश गराएर करका दर हेरफेर गरेको आरोप लागेको छ । साथै अनधिकृत व्यक्ति प्रवेश गरेको प्रमाणका रूपमा रहेको सीसीटीभी फुटेज अर्थ मन्त्रालयका उच्च अधिकारीकै मिलेमतोमा ‘डिलिट’ गराइएको पनि उनीमाथि आरोप लागेको छ ।


प्रकाशित : असार २२, २०७९ १४:२८
पूरा पढ्नुहोस्
प्रतिक्रिया
पठाउनुहोस्
×