चीनसँगको व्यापार सहजिकरण गर्न राजदूत श्रेष्ठलाई चेम्बरको आग्रह- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

चीनसँगको व्यापार सहजिकरण गर्न राजदूत श्रेष्ठलाई चेम्बरको आग्रह

कान्तिपुर संवाददाता

काठमाडौँ — नेपाल चेम्बर अफ कमर्सका पदाधिकारीले चीनका लागि नवनियुक्त राजदूत विष्णु पुकार श्रेष्ठसँग भेटवार्ता गरेका छन् । राजदूत श्रेष्ठसँग चेम्बरका अध्यक्ष राजेन्द्र मल्लले दुई मुलुकबीच भन्सार सहजिकरणमार्फत नेपालको निर्यात बढाउनुपर्ने बताएका थिए ।

नेपालबाट कृषि, हस्तकलाका सामान, मुर्तिजन्य वस्तुहरूको निर्यात प्रवद्र्धनका लागि भन्सारमा उच्चस्तरीय प्रयोगशाला निर्माण गर्नुपर्ने मल्लको भनाइ थियो । ग्वाङझाउ तथा ल्हासास्थित महावाणिज्य दुतावासलाई नेपाल-चीन व्यापार सहजिकरणको लागि कृयाशील बनाउनुपर्नेमा पनि उनले जोड दिएका थिए । नेपाल-चीनबीच केरुङ भएर हुने व्यापारमा आयातकर्ताले अतिरिक्त खर्च बेहोर्नुपरेकोले व्यावसायिक लागत अत्यधिक बढ्ने गरेको मल्लको भनाइ थियो ।

नेपालको पूर्वाधार विकासमा चिनियाँ लगानी भित्र्याउन पहल गर्नसमेत अध्यक्ष मल्लले राजदूत श्रेष्ठलाई आग्रह गरेका थिए । नेपालको कृषि उत्पादकत्व वृद्धि गर्न प्रविधि हस्तान्तरणको लागि पहल गर्नसमेत अध्यक्ष मल्लले जोड दिएको विज्ञप्तीमा उल्लेख छ । राजदूत श्रेष्ठले आफ्नो कार्यकालमा दुई मलुकबीचको आर्थिक र कुटनीतिक सम्बन्धलाई उच्चस्तरमा पुर्‍याउन आफूले अधिकतम पहल गर्ने बताएका थिए । भन्सारमा व्यापार सहजिकरण गरी नेपालमा उत्पादित वस्तुहरूको निर्यातका लागि पहल गर्ने श्रेष्ठको भनाइ छ ।

प्रकाशित : असार १८, २०७९ १३:२०
प्रतिक्रिया
पठाउनुहोस्

‘पर्यटन प्रवर्द्धन’ गर्न फोटो प्रतियोगिता  

कान्तिपुर संवाददाता

काठमाडौँ — मुलुकको पर्यटन प्रवर्द्धन गर्न भन्दै अठोट नेपाल नामको संस्थाले फोटो प्रतियोगिता गर्ने भएको छ । कोभिड महामारीले तहसनहस भएको पर्यटन क्षेत्रलाई फोटोको माध्यमबाट प्रवर्द्धन गर्न प्रतियोगिता गर्न खोजिएको प्रतियोगीताका संयोजक देवेन्द्रबहादुर शाही ठकुरीले जानकारी दिए । 

ठकुरीका अनुसार यो प्रतियोगिता सातै प्रदेशका फोटोग्राफरहरुलाई प्रोत्साहन गर्न र उनीहरुको क्षमतालाई उजागर गर्ने उद्देश्यले गर्न खोजिएको हो । ‘प्रतियोगिता चार वटा विधामा हुनेछ,’ उनले भने, ‘सम्पूर्ण फोटोग्राफरहरुलाई सहभागी हुन आह्वान गर्दछौं ।’ नेचर, कल्चर, लाइफस्टाइल र वाइल्डलाइफ विधाका फोटो प्रतियोगितामा समावेश गरिनेछ । प्रत्येक विधामा ५०–५० हजार रुपैयाँ नगद पुरस्कार तोकिएको छ । चारमध्ये एक उत्कृष्टलाई डोल्पाको फोक्सुन्डो तालको फोटोग्राफी टुर प्याकेज दिने घोषणासमेत गरेको छ ।

प्रतियोगितामा प्रत्येक प्रदेशबाट ७–७ फोटो छनौट गरी ४९ र बाँकी चार विधाबाट ४ गरेर जम्मा ५३ फोटोलाई पर्यटन प्रवर्द्धनका लागि सात वटै प्रदेशमा प्रदर्शन गरिने संयोजक ठकुरीले बताए ।

प्रतियोगितामा सहभागी फोटोमध्येबाट भदौ ३ गते अर्थात (विश्व फोटोग्राफी दिवस) का दिन उत्कृष्ट घोषणा गरिनेछ । प्रतियोगिताको निर्णायक मण्डलमा वरिष्ठ फोटोग्राफर जगदीश तिवारी र भरतबन्धु थापा छन् ।

प्रकाशित : असार १८, २०७९ १३:०६
पूरा पढ्नुहोस्
प्रतिक्रिया
पठाउनुहोस्
×