नेप्से १९२१ अंकमा अडियो, १ अर्बको कारोबार
काठमाडौँ — मंगलबार सेयर बजारको परिसूचक नेप्से १९२१ अंकमा अडिएको छ । यस दिन नेप्से ११.८२ अंक घटेको हो । कारोबार रकम भने १ अर्ब ५ करोडमा खुम्चियो । बैंकिङ उपसमूह ०.२९ र जीवन बीमा ९६ अंकमा हरियो रहे ।
विकास बैंक ४३, फाइनान्स २२, होटल तथा पर्यटन १७, जलविद्युत् ३६, लगानी १, उत्पादन ४८, माइक्रोफाइनान्स ३८, निर्जीवन बीमा १०९, अन्य १३ र ब्यापार उपसमूह १४ अंक घटे ।
कुल ३७ कम्पनीको मूल्य बढ्दा १४६ को घट्यो भने ९ को स्थिर रह्यो । सीवाईसी लघुवित्तको मूल्य १० प्रतिशत बढ्यो । उन्नती सहकार्यको ७ र कृषि विकास बैंकको ५ प्रतिशत बढ्यो । कारोबार रकमका आधारमा एसियन लाइफ, लाइफ इन्स्योरेन्स कर्पोरेसन, नागरिक लगानी कोष, नेपाल पुनर्बीमा कम्पनी र ङादी ग्रुप क्रमश: अगाडि रहे ।
प्रतिक्रिया