११ महिनाको ब्यापार घाटा संशाेधित बजेटभन्दा ठूलो

साउनदेखि जेठ मसान्तसम्मको ११ महिना अवधिमा मुलुकले कुल १७ खर्ब ६३ अर्ब २२ करोड रुपैयाँको वस्तु आयात गरेको छ । सोही अवधिमा १ खर्ब ८५ अर्ब ८३ करोड रुपैयाँको वस्तु निर्यात भएको छ । मुलुकको वस्तु आयात गत वर्षको सोही अवधिको तुलनामा २७.५ प्रतिशत बढी हो भने निर्यात ५३.३ प्रतिशत बढी हो । कच्चा पाम र सोयाबिन तेल आयात भई देशभित्र प्रशोधन गरी निर्यात गरिँदा त्यसले सानो आकारको निर्यातलाई प्रतिशतमा ठूलो प्रभाव पाऱ्यो, जसले गर्दा निर्यात वृद्धिदर राम्रो देखिए पनि यसले ब्यापार घाटा न्यून गर्न मद्दत गरेन ।